كيكة بالليمون المسلوق كتجي فنة بالصور

مرحبا بكم

موقع ام مروان يقدم لكم كيكة بالليمون المسلوق كتجي فنة بالصور

طريقة تحضير كيكة بالليمون المسلوق

 مقادير كيكة بالليمون المسلوق
2 بيضات + كاس صغير كوك + كاس العنبة زيت + 200 غ سكر + 200 غ دقيق + عصير 1 برتقالة لسقي الكيك+ خمارة من فئة 20 غرام لكن صاحبة الوصفة علمت 2 خمارات من فئة 7 غرام
+ برتقالة مسلوقة زوج مرات يعني نسلقها فالما ونرجع نبدل لها الما ونردها تعاود تسبق باش ميبقاش فيها المرار ديال القشرة طريقة تحضير كيكة بالليمون المسلوق
في الخلاط الكهربائي نطحن البرتقالة بعد ما نقطعها ونحيد لها العظم نطحنها مع السكر ثم نضيف الزيت والكوك 

ونفرغ الخليط في إناء آخر ونضيف الدقيق والخميرة نذهن المول بالزيت ونرشو بالدقيق وندخلها لفرن مسخن من قبل على 160 حتى ل 170 درجة

ها الكيكة واجدة ريحتها فالفرن رائعة جدا

منين تكون الكيكة كتطيب نوجد الكريمة لي غادي نغطي بيها الكيك
المقادير : كاس عصير البرتقال + م ك نشا أو بودرة الكريم باتسيير انا عملت بودرة البودينع + سكر حسب الذوق انا عملت 3 م ك
نخلط الكل ونعملهم فوق النار مع التحريك حتى يعقد ثم نضيف عليه 1 دانون كوك حسب وصفة امة الله انا مالقيتش وعملت دانون بنكهة البرتقال 

كيف ما يخرج الكيك من الفرن نسقيه بعصير برتقالة واحدة أنا كنعمل اكثر ونخوي الكريمة فوق الكيك 
الإضافة لي ضفت للوصفة هي شرائح البرتقال معسل
قطعت دوائر من البرتقال وغليتهم فالما زوج مرات
عملت 3 م ك سكر + م ك ماء في مقلة حتى دابو مزيان وضفت عليهم قطرات من الليمون الحامض ونزلت دوائر البرتقال يتعسلو بلا ما يتغير لون السكر وبقيت كنقلبهم مرة مرة بعد ما بردو قطعت الرائرة من الوسط بلا ما نقسمها وزينت كيف واضح فالصور

وعملت دوائر من النوغاتين

هاهي كيكة بالليمون مسلوق واجدة

kika bllimon mslou9