طورطة لكل المناسبات بالصور
طريقة تحضير طورطة للمناسبات (طورطة لراس السنة+اعياد الميلاد وكل المناسبات السعيدة)
مقادير طورطة المناسبات
مقادير الكيك
3البيضات
90غ سكر
فنجان ماء طايب
1/2 خمارة
1/2 فاني
90غ طحين + 2 م ك نشا /مايزينة/
مقدير لكريم باتيسيير
الحليب +كريم باتيسيير غبرة
سكر
شكلاط +كاكاو +نسكافه
المقادير لفالعلبة
نعملو الكل فوق النار حتى تعقاد ونطفيو النار ونضيفو م ك زبدة ونحركو حتى تنساجم
مقادير الشونتيي
علبة الشونتي+ كاس ونصف ص حليب بارد مزيان
نخدموها حتى تطلع ونعملوها في الثلاجة لوقت الاستعمال
طريقة تحضير الكيك
نخدمو البيض والسكر والفاني حتى ترجع مثل لكريم ونزيدو الماء ببطئ ونخدمو شي 2دقايق ونزولو الطراب
ونضيفو الطحين والنشا والخمارة مغربلين
ونقلبو من القوف لتحت ونعملوها في لاطة مستطيلة على سمك 1 سنتم وندخلوها لفرن ساخن لمدة مابين 7 و10د غير تشقر فقط
نعملو منها 2 اي ندوبلو المقادير
ونخليوها تبرد ونقطعوها باطار دائري
ونسقيوها بفانطا اناناس
ونعملو طبقة بالكريمة الحلوانية
ثم طبقة ثانية بالترقاع اي هادوك الجوانب ديال الكيك
ثم طبقة من الكريمة الحلوانية
ثم طبقة من الكيك دائما نسقيوه بفانطا
ونغلفوها كاملة بالكريم شونتييي ونعملو من الفوق طبقة مهمة وندخلوها للمجمد حتى تجمد لكريم
باش منين نخويو عليها الناباج دافئ مينزلش وتخسر
ونصبو عليها من الفوق الناباج مطلوق في حمام مائي ومضاف اليه ملون اصفر
ونعملو ليها للجوانب رقائق اللوز محمرين
ونزينو الطورطة بالشكلاط
والموز+الكرموس+الفواكه المعسلة
ليست هناك تعليقات:
إرسال تعليق