مرحبا بكم
موقع ام مروان يقدم لكم معجنات على شكل وردة بالصور
طريقة تحضير معجنات على شكل وردة
مقادير معجنات على شكل وردة
لتحضير عجين كرواصة نحتاج :رابعة فورص +معلقة كبيرة نيدو+ ربع كاس زيت نص كاس سنيدة (لعبار بكاس العنبة)+ ملعقة صغيرة خمارة الحلوى+ قشور ليمون او حامض او فاني للتنسيم+ بيضة +شوية خميرة لخبز +قبيصة لملح نجمع العجين بالماء الدافيء
طريقة تحضير معجنات على شكل وردة
نصنع من العجين 5 كرات كبار شوية و 5 صغار منهم شوية وحدة صغيورة
نوضعوهم فبلاطو مفرش بلبلاستيك الغذائي نخليوهم يرتاحو مزيان من بعد نبدا بطلق لكرات لكبار بشوية زيت
من بعد نوضعوهم فوق بلاطو مفرش ببلاستيكة ندهنوهم من فوق بشوية زبدة مخلطة مع الزيت نغطي عليهم باش متكرمش لعجينة نوليو نطلقو لكرة الثانية بشوية الزيت نوضعوها فوق الاولى ندهنها من فوق بشوية الزبدة مخلطة مع الزيت نفس الطريقة حتى نساليو لكرات 5
نفس الطريقة لكرات 5 لصغر منهم هدا الشكل مين ساليتهم
فطاوة اللي تدخل لفرن ندهنوها بشوية زبدة ونرش الدقيق نوضعو لكرات 5 لكبار اللي طلقنا نقطعهم على 8 مثل هاد الشكل بلا منوصلو الجوانب
ثم نشكلهم كيف مبين فالصورة
مين نساليو لكراة لكبار نوضعو وسط منهم 5 كرات صغار اللي بسطنا ونفس الطريقة اللي استعملنا فالاول نكررها مرة ثانية
ولكرة الصغيرة اللي بقات لينا نبسطوها شوية بيدينا نوضعوها الوسط نغطي عليها حتى تخمر مزيان
من بعد ندهنها بالبيض مخلط مع نسكافي وشوية الزيت نرش فلوسط شوية زريعة لكتان ندخلوها لفرن يكون سخون من قبل نقصو عليها لعافية
منين طيب ندهنها بالناباج مخلط مع لكونفتير نرشها بلكوك وتقدم
هاهي معجنات على شكل وردة بالصور
mo3ajanat 3lavhkal wrda
ليست هناك تعليقات:
إرسال تعليق