مرحبا بكم
موقع ام مروان يقدم لكم كيش بالدجاج والحوت
طريقة تحضير كيش بالدجاج والحوت بالصور
من الاخت ام اسامة و ايمان جزاها الله عنا كل خير
صباحكم طيب حبيباتي نتمنى تكونو على خير
وصفتي ليوم ساهلة وبسيطة ممكن تعملو كيش صغير للمناسبات أو كيش كبير للوليدات
نتمنى وصفتي تعجبكم وتكون إضافة جديدة لوصفاتكم المعتمدة
مقادير كيش بالدجاج والحوت
مقادير العجين : 300 غ دقيق الفورص + 150 غ زبدة خاصة بالتوراق وهدا هو السر باش كتجي العجينة هشيشة ومقرمشة وكتجي بحال إلا ورقناها + 1 بيضة + شوية ملح + شوية إبزار + رشيشة د الكوزة + من 2 ل 3 م ك ماء
طريقة تحضير كيش بالدجاج والحوت
نرمل الزبدة مع الدقيق + مزيان ونضيف عليهم البيضة والما حتى تجمع
مقادير حشوة الكيش : هبرة الدجاج مقطعة طريفات صغار + كلمار أو سيبيا مقطعين طريفات صغار + 5ضريسات ثوم + بصلة متوسطة مقطعة رقيقة + نصف م ص سكنجبير + نصف م ص إبزار + ملح حسب الذوق
ربع كاس زيت
طريقة تحضير حشوة الكيش : نشحر سيبيا فالزيت حتى تطيب ونضيف البصلة والثومة حتى يدبالو ونضيف التوابل والدجاج ونخليهم يطيبو
البيشاميل : نصف ليتر حليب + 2 م ك زبدة + 2 م ك دقيق + طريف من ضامة البنة + شوية سكنجبير + شوية إبزار + ملح حسب الذوق + شوية الكوزة
نحضرو بالطريقة المعتادة ونضيفوه على الحشوة ونخليها تبرد
نطلق العجينة ونلبسها للمول ونعمل وسطها الحشوة ونزين بوريدات من نفس العجينة مطلوقة رقيقة ونرش عليها زريعة الخشخاش وندخلها للفران حتى تتحمر
بعد ماخرج من الفرن
هاهو الكيش واجد بالصحة والراحة
ليست هناك تعليقات:
إرسال تعليق