مرحبا بكم
موقع ام مروان يقدم لكم طورطة بالشكلاط والمورانك
طريقة تحضير طورطة بالشكلاط والمورانك بالصور
على بركة الله
مقادير طورطة بالمورانك
مقادير الطبقة الأولى: طارطة بالشكلاط والمورانك
300 غ بيسكوي مطحون + 150 غ زبدة : طحنت البيسكوي ثم ضفت عليه الزبدة وطحنتهم مرة ثانية وممكن تدبو الزبدة وتجمعو بيها البيسكوي
عملت البيسكوي في إطار وضغطت عليه مزيان وخليتو على جنب
مقادير وطريقة الطبقة الثانية : 400 غ شكلاط + 1 علبة حليب مركز غير محلى + 50 غ بات فييوتين إختياري
ملاحظة هامة جدا : ضروري إما الحليب المركز يكون غير محلى أو الشكلاط يكون مسوس باش ماتجيش حلوة بزاااااف ولو أن البعض كيفضلها حلوة
الطريقة : دوبت الشكلاط في حمام مريم غير بدا كيدوب ضفت عليه الحليب المركز مع التحريك حتى ذاب كل الشكلاط
ثم ضفت عليه الفييوتين وفرغت الخليط فوق البيسكوي ووزعتوعليه
المورانك : 170 غ سكر + م ك كليكوز + 60 مل ماء + 2 أبيض بيض + قبصة ملح + م ص عصير الحامض + ربع م ص فاني غبرة
الطريقة : عملت الماء والسكر والحامض والكليكوز فوق نار مهيلة
ومرة مرة كنذهن حواف الكاسرول بماء ساخن باش ميتكريسطالاش السكر حتى نحصل على سيرو ثقيل
هاد العملية كتتطلب تقريبا 10 دقائق ملي يبدا يغلي كيف باين فالصورة الثانية نبدا نطرب أبيض البيض ع قبصة ملح
ثم ضفت السيرو شوية بشوية مع الخفق المستمرحتى نحصل على مورانك أبيض ناصع اولامع
هنا بعد ما برد الشكلاط مزيان ضفت المورانك
بواسطة رأس ملعقة عملت هاد الشكل وحرقتو بالتورش
زينتها بالشكلاط وعقيق صالح للأكل
أتمنى وصفتي تنال إعجابكم إن شاء الله
لاتنسوني من صالح دعائكم ولكم بالمثل بحول الله
ليست هناك تعليقات:
إرسال تعليق