مرحبا بكم
موقع ام مروان يقدم لكم طورطة بموس الليمون
طريقة تحضير طورطة بموس الليمون بالصور
مقادير طورطة بموس الليمون
وصفتي اليوم طارط بموس الليمون (الحامض) لذيذة وسريعة التحضير إن شاء الله تنال إعجباكم
نتوكل على الله
مقادير العجين : 250 غ دقيق + 125 غ زبدة باردة + 100 غ سكر بودرة + أصفر بيض + 1 م ك ماء بارد + قبصة ملح صغيرة بزاف
الطريقة : نرمل الزبدة مع الدقيقة مزيان ثم نضيف أصفر البيض ونخلط ثم ملعقة الماء غير نجمع العجينة ماندلكهاش ومنعجنهاش
نخليها ترتاح 30 دقيقة أنا معملتهاش فالثلاجة لأن الجو أصلا ثلاجة تبارك الله
طريقة تحضير طورطة بموس الليمون
لبستها للمول ثقبتها ونزلت فوسطها كمية من الحبوب ودخلتها لفرن مسخن من قبل على 180 درجة
غير بانولي الجناب بداو كيتحمرو حيدت الحبوب ورديتها تكمل طياب
مقادير وطريقة الموس : ربع كاس عصير الليمون ( الحامض ) + كاس دالما ناقص شوية كيف باين فالصورة + 3 م ك نشا + 3 م ك سكر أو حسب الذوق (انا عملت غير 3 لأن الكريم لي كنخدم بيه أصلا حلو) + 3 أصفر بيض + 200 مل كريمة مخفوقة خفيفة شوية + 2 أوراق جيلاتين مرطب فما بارد
الطريقة : نخلط النشا مع الما وعصير الليمون ونضيف السكر نخلط مزيان ثم نضيف أصفر البيض ونخلط ونعملهم على نار مهيلة مع التحريك المستمر حتى يعقاد الخليط ثم نضيف عليه الجلاتين ونخليه يبرد
ثم نضيف الخليط على الكريم شوية بشوية ونخلط حتى نحصل على خليط نخويه فالطارط ونخليها تبرد
ليست هناك تعليقات:
إرسال تعليق