مرحبا بكم
موقع ام مروان يقدم لكم
صابلي الرخامة
طريقة تحضير صابلي الرخامة
تحضير صابلي الرخامة بالطبقات
من عند أختكم أم دعاء
لسلام عليكم ورحمة الله تعالى وبركاته
مقادير صابلي الرخامة
حاجتنا كاس سنيدة+ كاس الزيت +4 بيضات+ خمارة +معلقة كبيرة الزبدة+ قشور حامضة محكوكة+ معلقة كبيرة الكاكاو+ الدقيق حسب الخليط
طريقة تحضير صابلي الرخامة
نخدمو البيض سنيدة الزبدة + قشور الحامض الزيت لخمارة ثم نضيفو الدقيق شوية بشوية حتى يتجمع العجين
نقسمو العجين على 2 النصف نتركوه ابيض و النصف الثاني نضيف ليه معلقة كبيرة كاكاو
نقسمو كل كرة على 2 غادين نحصلو على 4 كراة
نبسطو الكرة السوداء نوضعوها فطاوة مدهونة بالزبدة ثم نبسطو الكرة البيضاء نوضعوها فوقها نفس الطريقة حتى نساليو جميع الكراة
ثم نكرصوهم بيدينا
ندخلو الطاوة للفرن يكون سخون من قبل مين طيب مباشرة نكبو فوقها كونفتير مشماش الجاري
نبسطوه على وجه صابلي
نرشو من فوق كاوكاو مهرمش ولكوك
نوضعو خطيطات من فوق بالشكلاط الاسود
تقطع معينات
ليست هناك تعليقات:
إرسال تعليق