موقع ام مروان يقدم لكم المروزية بالصور
مقادير وطريقة تحضير المروزية بالزبيب
مقادير المروزية بالزبيب
اللحم من الاحسن يكون من الرقبة او السنسول (انا استعملتهم بجوج)
بصلة متوسطة
3 ضروس ثومة محكوكين رقيق
معلقة كبيرة مروزية
معلقة صغيرة زعفران حر
خرقوم بلدي
4 معالق كبار زيت
معلقة كبيرة زبدة
معلقة صغيرة سمن
4 معالق كبار عسل
ملح
4 معالق كبار سنيدة
250 جرام زبيب
100 جرام لوز مقلي
معلقة صغيرة قرفة
طريقة تحضير المروزرة بالزبيب بالصور
نخلطو السمن + الثومه + المروزيه + الزعفران + الخرقوم + السمن + الملح
وندهنو بيهم اللحم مزيان ونغطيوه و نخليوه ليلة كاملة فالتلاجة
فالصباح نشلضو البصله رقيق و نديروها فالكوكوط و نضيفو عليها الزبده و الزيت
ونخليوها حتى تنزل
عاد نضيفو ليها اللحم مع المقدار ديال الماء اللي عايطيب فيه
ونسد عليه حتى نحس بيه طاب
من بعد نضيف عليه الزبيب اللي رقدتو قبل بشي ساعه فالما دافي
ونخليه يطيب شي ربع ساعه تقريبا
من بعد نضيف ليهم العسل و السكر و القرفه ونخليهم يتعسلو مزيان و المرق يولي خاتر
وهاهي جاهزة
نزلوها في الطبق ونزوقوها باللوز
هاهي المروزية واجدة
ليست هناك تعليقات:
إرسال تعليق