مرحبا بكم
موقع أم مروان لكل ما يهم المرأة العربية يقدم لكم
الرز بالدجاج و الحمص على الطريقة الخليجية بالصور
السلام عليكم رحمة الله تعالى وبركاته
اليوم حبيت نقدم ليكم طبق الي عزيز عليا شخصيا بزااااف
وهي اكلة خليجية عبارة عن الرزبالدجاج و الحمص
مقادير الرز بالدجاج و الحمص على الطريقة الخليجية بالصور
بصلة كبيرة مقطعة شرائح طويلة ورقيقة
الرز كلاصي
الحمص
الفلفلة خضراء و حمراء مقطعين دوائر
الزيت مخلطة رومية و بلدية
العطرية ( ملح ابزار سكينجبير زعفران شعرة )(عطرية خاصة انذكرها بالصور)
جوج ضروس ثومة محكوكة
ماء زهر
طريقة تحضير الرز بالدجاج و الحمص على الطريقة الخليجية بالصور
للتوضيح اكثر
اول حاجة كنبدا بيها هي الرز كنغسلو مزيان وكنزيد عليه الماء طايب باش يتحيد النشا الي فيه
من بعد كنجيب كوكوت و كندير فيها البصلة و الفلفلة و الثومة والزيت و الملح باش البصلة طلق اكثر الماء ديالها و نخليوها تشحر مزيااااااان
هنا بعد ما بدات كتاخذ لون ذهبي
كنزيد ليها الدجاج و العطرية
نسيت ماصورت فاش زدت الحمص
العطرية الي كندير دائما ف الرز
القرفة عواد
قرنفل
قعقلة
بسيبيسة
نويويرة
ورقة سيدنا موسى
(هاد العطرية كلها كنسخنها شوية ف المقلة و كنطحنها و كنستعمل شوية ف المرقة ماشي بزااااف باش ماتجيش كحلة
كنمرق بالماء طايب ونسد كوكوت
دابا وقت باش نسلق الرز بوحدو مع حبيبات القرنفل وقعقلة والزيت والملح
هاهي بعد ماتسلقات كنصفيها ونخوي عليها شوية الماء بارد باش ماتعجنش ونخليها تقطر
هاهي المرقة واجدة كنخلي فيها غير الدغميرة
دابا كنجيب الرز الي سلقنا وكنديرو فوق الدغميرة
كنجيب زلافة كندير فيها الزعفران شعرة و ماء زهر و نخليه يطلق شوية و نخويه فوق الرز باش يجي ف التقديم حبات بيضين و حبات صفرين
كنساين شوية حتى نحسن بالرز تشرب ديك دغميرة و كنطفي عليه
وكيتقدم سخون وبالصحة والراحة
ادعيو لي ربي يسهل لي امري ويرزقني الزوج الصالح
ليست هناك تعليقات:
إرسال تعليق