شباكية كريوش ولا أروع بالصور

مرحبا بكم

موقع أم مروان لكل ما يهم المرأة العربية يقدم لكم

 شباكية كريوش ولا أروع بالصور

من الاخت نجاة

شباكية كريوش ولا أروع
مقادير شباكية كريوش ولا أروع
500غ دقيق مع شوية الملح
3 معالق كبار زنجلان محمر و مطحون
160غ زبدة لينة
معلقة صغيرة خميرة معجونة
معلقة صغيرة سكر
معلقة صغيرة خميرة الحلوة
نصف كأس ماء زهر
2 معالق كبار خل
بيضة
ماء دافي
 

شباكية كريوش ولا أروع
طريقة تحضير شباكية كريوش ولا أروع
وضعت في اناء الدقيق و الزنجلان و خميرة الحلوة و الزبدة
 

 تنخدمهم بالأصابيع حتى تدخل الزبدة في الدقيق
 

 وتنضيف لهم البيضة و الخل و الخميرة دايبة في شوية الماء مع السكر
 

 وتنجمع العجينة بماء الزهر و الماء دافي حتى نحصل على عجينة متماسكة
 

 قسمت العجين على 4 الكويرات و غطيتها و خليتها ترتاح شوية
طلقت العجين بالمدلك
 

 و باش ما نضيعش العجينة في التقطاع تنيت عليها و احد الجانب
 

 ثم الجانب الثاني و طلقتها مرة أخرى بالمدلك تنحصل على مستطيل مقاد
 

 تنقطعها مربعات وسط كل مربع 5 شرطات
 

  تناخذ شريط و نخلي شريط تيكونو عندي 3 الأشرطة القدام و 3 في الخلف
 

 تناخذ رأس و تندخلو من الوسط حتى يخرج من الجهة الأخرى
 

 و تنحصل على شكل سلسلة
 

 أو تنقطع مربعات صغار تنعمل فيهم 6 الشرطات يكونو متقاربين و تنقلب المربع على الظهر
 

 و تنجمع 2 الرؤوس المتقابلين تنضغط عليهم مزيان باش متفكش في القلي
 

 و تنحصل على هذا الشكل المشبك
 

 فاش كملت العجين قليتهم في الزيت حتى تحمرو
 

 و عملتهم في العسل من بعد عملتهم في شبكة يتسقطرو
 

 رشيتهم بالزنجلان
وهاهي شباكية كريوش ولا أروع واجدة



بالصحة والراحة