السفة بالكسكس بطريقة راقية بالصور

مرحبا بكم

موقع ام مروان يقدم لكم السفة بالكسكس بطريقة راقية بالصور

طريقة تحضير السفة بالكسكس بطريقة راقية 

وصفة للاخت ام اسامة وايمان جزاها الله خيرا

هاد السفة سريعة التحضير وكتجي لذيذة بزاف نتمنى تجربوها وتعجبكم إن شاء الله 

مقادير السفة بالكسكس

 نصف كيلو كسكس + نصف ليتر حليب مسخن مزيان + شوية ملح + تقريبا 2 م ك زيت 

طريقة تحضير السفة بالكسكس

 نبسبس الكسكس مع الزيت ثم نضيف عليه الحليب سخون كامل ونغطيه بالبلاستيك الغذائي مزيان 

ونخليه تقريبا 20 دقيقة ونشوفو 

غادي نلقاه تشرب الحليب كلو نفركو مزيان بيدي ونرجع نغطيه واحد 5 حتى ل 10 دقائق 

فهاد الوقت كنت موجدة طنجرة الكسكاس فيما ماء طايب + نصف كأس ماء الزهر+ شوية ملح + 1 فاني 

وعملت فالكسكاس شوية د الزبيب وشوية د المشماش يتفورو

عملت الكسكس ديالي يفور مرة وحدة لأن ديك العملية ديال الحليب لي ضفنا فالأول كتغنيك على أنك تعاود التفويرة وهاد الطريقة كنعملها حتى للكسكس العادي 

حيدت الكسكس وضفت ليه طريفات الزبدة وخلطتو حتى دابت وضفت السكر حسب الذوق والقرفة والزبيب وزينتها باللوز مقلي ومطحون 

رافقتها مع كوكلي محمر والتفاح معسل 

طريقة التفاح معسل موضحة فالصور

هذا هو الشكل النهائي للسفة بالكسكس وهذا رابط الكوكلي 
http://omomarwane.blogspot.com/2016/11/blog-post_21.html