مرحبا بكم
موقع ام مروان يقدم لكم سلطتين تفرحي بيهم ضيافك
طريقة تحضير سلطتين
الاولى .....سلطة بالافوكا
الثانية.....سلطة مشكلة بزواق ميلفوي
مقادير وطريقة تحضير السلطتين
بالنسبة لسلطة الافوكا. ناخد بطاطا مسلوقة و مطحونة مخلطة مع ملح و فرماج شوية ابزاروشوية زيتون مقطع دوائر ويمكن تلوينها .. ونقسموها ل2
نبسط الاول في مول الكيك مدهون بالزيت تم فوقه حك طون مخلط مع مايونيز تم ماطشة مقطعة شرائح تم افوكا مقطعة شرائح
تم طبقة تانية من البطاطا و نضغط. ندخلوها للثلاجة شوية تم نقادو المول فطبسيل و ندهن السطح بالمايونيز و خطوط بالفرشاة و باقي التزيين حسب الرغبة
سمحولي داك شي لي صورت من مراحل الاعداد.
بالنسبة للسلطة التانية ناخد بطاطا مسلوقة و مطحونة مخلطة مع ملح و فرماج شوية ابزار ونبسطوها - النصف فقط - فمول او اي اناء بلاستيكي مربع او مستطيل و لكن نطلعو البطاطا شي 2 سنتيم فجنابات المول بحال شي سور ...تم نكبو وسطو روز مسلوق و مخلط مع مايس و مايونيز و تون .....تم فوق منو جلبانة....تم خيزو محكوك مع شوية ملح و خل ...تم قطع الباربا مربعات مع ملح و ابزار و خل و شوية بصلة مقطعة صغير تم طبقة اخرى من روز مسلوق و مخلط مع مايس و مايونيز و تون....واخيرا ماتبقى من البطاطا نغطيو بها كلشي....و نبسط جيدا بملعقة تم نحطوها في الثلاجة......و بعد مدة نقلبوها فطبسيل مفرش بالخس و ندهنوها كاااملة بمايونيز.._ انا كنخلط مايونيز مع دانون مسوس باش تجي خفيفة و نزوقو حسب الرغبة انا عملت خطوط متوازية بشوية مايونيز مخلطة مع كاتشب او صلصة الطماطم و جريتهم بعود الاسنان بحال ميلفوي
salatatayn
ليست هناك تعليقات:
إرسال تعليق