كراتان بليبات رائعة بالصور

مرحبا بكم
موقع ام مروان يقدم لكم كراتان بليبات
طريقة تحضير كراتان بليبات

 
هاد لكرتان من اروع لي كرتان اللي كليت تيجي بنين بزاف
مقادير كراتان بليبات

غادي نحتاجو اي نوع ديال المقارونية غير تكون النوع كبيرة الحجم ابحال هاد شكل اللي دارت مسلوقة ونخليوها تستقطر مزيان
غادي نحتاجو البيشاميل 2 معالق زبدة ندوبوها ونزيدو عليها 2 معالق دقيق من بعد نزيدو نصف لتر حليب ونخليو الخليط حتا يعقاد نزيدو عليه الملح وابزار والكوزة
وغادي ناخدو مقلاة نديرو فيها بصلة مربعات مع الزيت ونخليوها تنزل شوية ونزيدو عليها خيزو محكوك ونخليوهم حتى ينزلو ونزيدو الكفتة والملح وابزار والكوزة ومعلقة مطيشة الحك ونخليو الكل يتقلى مزيان  
وفرماج محكوك غادي نحتاجوه في الاخير
طريقة تحضير كراتان بليبات
دابا الصور غادة تشراح

تناخدو البيشاميل انضيفو عليه شوية الفرماج
ونضيفو النصف على المقارونية باش تجي بنينة
 


من بعد تنفرش نصف المقارونية فالمول
 
 وتنضيفو طبقة الكفتة
 
 وتنضيف طبقة اخرى من المقارونية
 
 ونضيف البيشاميل اللي بقا لينا

 
 ونضيف الفرماج احمر

 
 وندخل كراتان للفرن حتى تحمر
وهاهو كيف كيجي رائع وبنين بزاف

gratan blipat