سلو رائع المنظر والمذاق

مرحبا بكم

موقع أم مروان لكل ما يهم المرأة العربية يقدم لكم

 سلو رائع المنظر والمذاق

من الاخت نجاة

سلو رائع المنظر والمذاق

مقادير سلو رائع المنظر والمذاق
كيلو دقيق الفورص محمر
رابعة لوز مقشر و مقلي و مهرمش
رابعة لوز بالقشرة محمر في مقلة وهو سخون يتطحن مع رابعة سكر
رابعة بندق محمر و مقشر و مهرمش
نصف كيلو زنجلان محمر و مهرمش
معلقة كبيرة نافع مطحون
معلقة صغيرة قرفة
رابعة زبدة دايبة
كأس عسل
سلو رائع المنظر والمذاق
طريقة تحضير سلو رائع المنظر والمذاق
يتطحن اللوز مزيان مع السكرحتي يطلق الزيت
تخلط كل المقادير الجافة حتى تندمج مع بعضها
الى ما كانش متوفر البندق يمكن لنا نعوضوه بالكاوكاو حتى هو تيجي زوين

نضيف الزبدة مع التخلاط و في الأخير تنضيف العسل
 

 يمكن لنا نقدمهم على هاد الشكل الى كانو عندنا الضياف
خذيت كويسات صغار و ضعت فيهم طبقة من سلو ثم شوية من البندق مهرمش
ثم تنعمل طبقة ثالثة بسلو و زينت بحبة بندق أو نعمل اللوز مكان البندق
 

 و نفس الطريقة بالنسبة لزليفات عملت في الوسط اللوز مهرمش و زينت باللوز و سكر كلاصي
 

 و هنا عمرت الكويسات غير بسلو و زينتهم بحبات لوز و بندق
 

 بالصحة والراحة