مرحبا بكم
موقع ام مروان يقدم لكم افكار مطبخية جديدة ومجربة بالصور
افكار ستنفعك في مطبخك
افكار رائعة وسهلة للمطبخ
افكار مطبخية للواتي يواجهن المشاكل في الطبخ
باش تجيك السفة بنينة نرشوها فالتفويرة الاخيرة بنصف لتر حليب و2 م ماء الزهر لكل كيلو من الشعرية
الكيكة باش تجي طالعة نسخن الفران و نخدم الأبيض بحال
الثلج نخليه هو الأخير بعد الدقيق
اذا كانت عندنا اباجور عندها الغشا ديال الثوب نصبغو المصباح ديالها اللي كيضوي بأي لون مغلوق مثل الاحمر او الاخضر منين كتشعل كتعطي لون زوين
باش ما يدمعوش العينين اثناء تقطيع البصل نديرو البصلة في الماء دافي و نخليوها شوية عاد نقشروها و نغسلوها بالماء البارد ثم نستعملوها
البطاطا فريت باش تجي زوينة و لذيذة منين نقطعوها نرقدوها في الماء و الخل عاد نقليوها
بالنسبة اللي فيه الفواقة يدير طوبة سكر في الفم ديالو و غدي تزول
باش نبوكليو الشعر للبنيتات الصغار بعدما نغسلو الشعر نضفروه كله و هو فازك ثم نشفوه مزيان بالسيشوار و من بعد نحلو الضفيرات و غدي يولي الشعر بوكلي بلا كوافورة
باش نزولو المداد على اليدين نحكوهم بمطيشة مزيان
الزربية الى اللون ديالها تبدل تنرشوها بماء معدنى ونخليوها 10 د ونشطبوها على شكل دائرى ومن بعد تشطب عادى ونديروها فى الشمس
الزربية الى طبعات بالمربى او القهوة نفزكو منديل بالماء ولالكول ونمسحو مكان الطبعة ونحكوه مزيان
الملابس الى كان فيهم الصدا تندهنوهم بعصير الحامض ونخليوه فيها ومن بعد تغسل بصابون الحجرة
الى كان عندك الدبان في المنزل تديري كاسرونة فيها الماء مع الخزامة وتبقى تغلى راه ماتيبقاش
باش نحيدو رائحة الشواء من المنزل ملى نساليو الشواء نديرو طرف من قشرة الحامض او البرتقال فى المجمر
طبايع ليدام فى الملابس ترشو بطالك ونفركوهم باليد بلا ماء من بعد نغسلوهم بصابون الحجرة
الشكلاط باللوز مكلي
نغسلو اللوز و نديروه في مقلة ثقيلة و نخليوه يتحمر بلا زيت على نار مهيلة ثم نخليوه يبرد و نهرمشوه
ندوبو شكلاط اسود نوع مزيان في حمام مريم ثم نزيدو عليه اللوز مهرمش و نخلطو و نسرحوه فوق ورق المنيوم او بلاستيك و نخليوه يبرد ثم نجمعوه حتى نحتاجوه للحلوة او اي حاجة اخرى و يمكن نديروه في قوالب و منين يجمد نزولوه و نحتفظ به فبلاستيكة الى حين الاستعمال
منين نعصرو الحامض نحتفظ بالقشور في المجمد و منين نبغيو نديرو القشرة ديال الحامض في حلوة او كيكة نجبدوهم و نحكوهم فالحكاكة الرقيقة و نستعملوهم
منين نسلقو الخضر لتحضير السلطة كنديرو معاها ضرس ثومة و شوية الملح و منين تسلق نصفيوها من الماء و نستعملو ماء السلق فالطاجين او المرقة و ضرس الثومة اللي صلقنا كنحكوه و نديروه مع صلصة السلطة كنخلطو شوية الملح و ابزار ابيض مع زيت بلدية و شوية خل و عصير حامض ثم نزيدو عليهم ضرس الثومة مسلوق و محكوك و شوية معدنوس مقطع و نخلطو و نديروها مع الخضر اللي سلقنا
ماء سلق البطاطا نستعملوه لتحضير البريوش مثلا نديرو شوية زبدة و شوية ملح و خميرة معجونة و خمارة و نصف كاس سنيدة و الحليب و شوية من ماء سلق البطاطا و نخلطو و نجمعو بالدقيق و نديروه على شكل بريوش
ضامة البنة
باش نحصلو على ضامة البنة منين نبخرو اللحم او الدجاج او الحوت ناخدو الماء اللي تبخرو فيه و نديروه في قوالب الثلج و نجمدوه ثم نحتفظ به في اكياس في المجمد و نعزلو كل نوع بوحدو بالنسبة لضامة اللحم او الدجاج يمكن نديروها فالحريرة او اشياء اخرى و بالنسبة لضامة الحوت نديروها في صلصة الحوت كتجي زوينة بزاف
منسم للساندويتش
ناخدو بصلة نقشروها و نقطعوها طريفات صغار و نشحروها فالزيت و الملح ثم نزيدو عليها فلفلة خضرا و فلفلة حمرا مقطعين مكعبات صغار و نخليوهم يتشحرو مزيان و منين يبردو نديروهم في بواطة فالثلاجة و منين نبغيو نديرو ساندويتش للاطفال نديرو لحم او ال دجاج و نديرو عليه شوية البصلة و الفلفلة ثم فرماج و يمكن نزيدو على البصلة و الفلفلة الثومة الى بغيناه فسندويتشات للكبار و كيبقى صالح فالثلاجة لمدة 3 ايام
السمن الحار
نغسلو الزبدة بلدية (باش يزول الحليب اللي فيها) و نخليوها جانبا
نديرو كاس ماء مع 2 معالق زعتر و نخليوه يغلي شوية و منين يبرد مزيان نصفيوه
ناخدو الزبدة اللي عندنا نزيدو عليها الملح و الماء ديال الزعتر و نخدموها مزيان باليد باش يدخل فيها ماء الزعتر ثم نديروها في قرعة ديال الزجاج و نكبو عليها شوية ماء الزعتر الفوق و نسدوها و نخليوها مدة 40 يوم ثم نحلو القرعة و نخويو الماء اللي فيها و غدي نلقاو السمن واجد للاستعمال
بالنسبة للحلوة اللي كتلصق بالمربى و كتكون وحدة عادية و وحدة مثقوبة من الوسط باش نحصلو على منظر زوين ناخدو مربى جاري و نخلطو شوية مع سيرو احمر و شوية مع سيرو اخضر ثم نلصقو الحلوة باش نحصلو على لون اخضر و احمر و نزوقو بشوية اللوز مقلي و مهرمش من الجناب
بعض المرات منين كنوجدو حلوة الصابلي كيكون الدقيق خايب و كتفرتت لينا العجينة و ماتبغيش تجمع في هذه الحالة ناخدو ابيض البيض (ماشي الاصفر) و نخلطوه مع العجينة ثم نديرو الاشكال اللي بغينا
ترقاد الحامض
ناخدو كيلو حامض او اكثر من النوع الغليض و نديروه في اناء و نكبو عليه الماء سخون مزيان و نغطيوه و نخليوه يبرد ثم ننشفوه و نشقوه و نعمروه بالملح و نديروه في قرعة و ناخدو صريرة نديرو فيها شوية الزعتر و 3 او 4 حبات من عود النوار (القرنفل) و 2 وريقات من الورد البلدي و نديروها فوق الحامض و نديرو بلاستيكة بيضاء و نسدو القرعة مزيان و نقلبوها على فمها و نخليوها يومين حتى لاسبوع عاد نحطوها عادية هاد الطريقة كنديروها باش ماينشفش الحامض اللي الفوق و يخسر
المايونيز ايلا طاحت لينا و مابغاتش تطلع نزيدو عليها مكعب ديال... الثلج و ملعقة صغيرة ماء بارد و نبقاو نحركو بشوية حتى تشد راسها و تجمع
باش يخمر لينا الكرص بسرعة منين نعجنوه نديرو العجينة في كوكوت و نسدو عليها و نحطو الكوكوت فوق اناء فيه الماء سخون غدي دغيا تخمر
الكيكة باش تطلح مزيان وتنفخ نديرو ليها شوي د الخل ف العجينة
ابيض البيض باش يطلع مزيان نضربوه مع قبيصة د الملح
الحريرة باش مديرش ديك الطبقة ديال الختورة نديرو ليها شوي د الزبدة
المعجنات كتسلق مع الملح والزيت ونديروها فى ونصبو عليها الماء بارد مباشرة باش كتبقى مفرزة
تخزين الحبوب او القطانى او العجائن فى كل قرعة تنديرو اما ازير او السالمية او النعناع او ورقة سيدنا موسى
ملى نبغيو نسلقو البيض الى كان الما بارد نسلقوه 10 د او الماء سخون 5 د
باش كيجيو مقاد فى الطياب
في الطاجين الحامض باش ما يجيش مر نعمل فوقه الملح
البسطيلة باش تكون ناجحة 3 الأوراق باش نفرق الحشوة نطيبوهم في الفران
نصيحة لمسح النحاس
مطيشات محكوكين 2+ 3 ملاعق كبار خميرة الخبز + 3 ملاعق كبار صابون بلدي + عصير حامضة
نخلط الكل وندوزوه على النحاس لي عندنا نتركه قليلا ثم نمسحوه بزيف ناشف
الى شرينا طاجين قبل الاستعمال نعمروها بالماء لمدة 24 ساعة ثم نزولوه منها نعملو فيها زيت رومية مع البصلة دوائرنحكوها بيهم ونخليوها يوم كامل نغسلوها ونمسحوها ثم نستعملوها
المسكة منين تلصق فالملابس ناخدو شوية زبدة و ندهنو بيها الظهر اللي مافيهش المسكة و نلويوها و نديروها فالثلاجة ثم نخرجوها و نكرطوها بسهولة
لتصبين ملابس الصوف بحال الهيدورة او سلهام او جلابة او عباية نفزكوهم و نديرو ليهم الصابون و ناخدو واحد الشطبة تسمى تيغيغشت (تباع عند العطار) و ننقيوها من العويدات و نخبطو بيها ملابس الصوف كتطلق الرغوة مزيان و كتخرج نقية و اللون الابيض صافي
المجوهرات ديال البلاكيوركتطلق الكحولة فالعنق او اليد منين كنعرقو لتفادي هذا المشكل منين نشريوها ندهنوها بلاباز ( الصباغة اللي كيكون لونها شفاف) بالنسبة للكورميط و الخاتم ندهنوهم من الجهة الدخلانية و السنسلة ندهنوها كاملة و منين تزول لاباز و تقشر نعاودو نفس العملية
موقع ام مروان يقدم لكم افكار مطبخية جديدة ومجربة بالصور
افكار ستنفعك في مطبخك
افكار رائعة وسهلة للمطبخ
افكار مطبخية للواتي يواجهن المشاكل في الطبخ
باش تجيك السفة بنينة نرشوها فالتفويرة الاخيرة بنصف لتر حليب و2 م ماء الزهر لكل كيلو من الشعرية
الكيكة باش تجي طالعة نسخن الفران و نخدم الأبيض بحال
الثلج نخليه هو الأخير بعد الدقيق
اذا كانت عندنا اباجور عندها الغشا ديال الثوب نصبغو المصباح ديالها اللي كيضوي بأي لون مغلوق مثل الاحمر او الاخضر منين كتشعل كتعطي لون زوين
باش ما يدمعوش العينين اثناء تقطيع البصل نديرو البصلة في الماء دافي و نخليوها شوية عاد نقشروها و نغسلوها بالماء البارد ثم نستعملوها
البطاطا فريت باش تجي زوينة و لذيذة منين نقطعوها نرقدوها في الماء و الخل عاد نقليوها
بالنسبة اللي فيه الفواقة يدير طوبة سكر في الفم ديالو و غدي تزول
باش نبوكليو الشعر للبنيتات الصغار بعدما نغسلو الشعر نضفروه كله و هو فازك ثم نشفوه مزيان بالسيشوار و من بعد نحلو الضفيرات و غدي يولي الشعر بوكلي بلا كوافورة
باش نزولو المداد على اليدين نحكوهم بمطيشة مزيان
الزربية الى اللون ديالها تبدل تنرشوها بماء معدنى ونخليوها 10 د ونشطبوها على شكل دائرى ومن بعد تشطب عادى ونديروها فى الشمس
الزربية الى طبعات بالمربى او القهوة نفزكو منديل بالماء ولالكول ونمسحو مكان الطبعة ونحكوه مزيان
الملابس الى كان فيهم الصدا تندهنوهم بعصير الحامض ونخليوه فيها ومن بعد تغسل بصابون الحجرة
الى كان عندك الدبان في المنزل تديري كاسرونة فيها الماء مع الخزامة وتبقى تغلى راه ماتيبقاش
باش نحيدو رائحة الشواء من المنزل ملى نساليو الشواء نديرو طرف من قشرة الحامض او البرتقال فى المجمر
طبايع ليدام فى الملابس ترشو بطالك ونفركوهم باليد بلا ماء من بعد نغسلوهم بصابون الحجرة
الشكلاط باللوز مكلي
نغسلو اللوز و نديروه في مقلة ثقيلة و نخليوه يتحمر بلا زيت على نار مهيلة ثم نخليوه يبرد و نهرمشوه
ندوبو شكلاط اسود نوع مزيان في حمام مريم ثم نزيدو عليه اللوز مهرمش و نخلطو و نسرحوه فوق ورق المنيوم او بلاستيك و نخليوه يبرد ثم نجمعوه حتى نحتاجوه للحلوة او اي حاجة اخرى و يمكن نديروه في قوالب و منين يجمد نزولوه و نحتفظ به فبلاستيكة الى حين الاستعمال
منين نعصرو الحامض نحتفظ بالقشور في المجمد و منين نبغيو نديرو القشرة ديال الحامض في حلوة او كيكة نجبدوهم و نحكوهم فالحكاكة الرقيقة و نستعملوهم
منين نسلقو الخضر لتحضير السلطة كنديرو معاها ضرس ثومة و شوية الملح و منين تسلق نصفيوها من الماء و نستعملو ماء السلق فالطاجين او المرقة و ضرس الثومة اللي صلقنا كنحكوه و نديروه مع صلصة السلطة كنخلطو شوية الملح و ابزار ابيض مع زيت بلدية و شوية خل و عصير حامض ثم نزيدو عليهم ضرس الثومة مسلوق و محكوك و شوية معدنوس مقطع و نخلطو و نديروها مع الخضر اللي سلقنا
ماء سلق البطاطا نستعملوه لتحضير البريوش مثلا نديرو شوية زبدة و شوية ملح و خميرة معجونة و خمارة و نصف كاس سنيدة و الحليب و شوية من ماء سلق البطاطا و نخلطو و نجمعو بالدقيق و نديروه على شكل بريوش
ضامة البنة
باش نحصلو على ضامة البنة منين نبخرو اللحم او الدجاج او الحوت ناخدو الماء اللي تبخرو فيه و نديروه في قوالب الثلج و نجمدوه ثم نحتفظ به في اكياس في المجمد و نعزلو كل نوع بوحدو بالنسبة لضامة اللحم او الدجاج يمكن نديروها فالحريرة او اشياء اخرى و بالنسبة لضامة الحوت نديروها في صلصة الحوت كتجي زوينة بزاف
منسم للساندويتش
ناخدو بصلة نقشروها و نقطعوها طريفات صغار و نشحروها فالزيت و الملح ثم نزيدو عليها فلفلة خضرا و فلفلة حمرا مقطعين مكعبات صغار و نخليوهم يتشحرو مزيان و منين يبردو نديروهم في بواطة فالثلاجة و منين نبغيو نديرو ساندويتش للاطفال نديرو لحم او ال دجاج و نديرو عليه شوية البصلة و الفلفلة ثم فرماج و يمكن نزيدو على البصلة و الفلفلة الثومة الى بغيناه فسندويتشات للكبار و كيبقى صالح فالثلاجة لمدة 3 ايام
السمن الحار
نغسلو الزبدة بلدية (باش يزول الحليب اللي فيها) و نخليوها جانبا
نديرو كاس ماء مع 2 معالق زعتر و نخليوه يغلي شوية و منين يبرد مزيان نصفيوه
ناخدو الزبدة اللي عندنا نزيدو عليها الملح و الماء ديال الزعتر و نخدموها مزيان باليد باش يدخل فيها ماء الزعتر ثم نديروها في قرعة ديال الزجاج و نكبو عليها شوية ماء الزعتر الفوق و نسدوها و نخليوها مدة 40 يوم ثم نحلو القرعة و نخويو الماء اللي فيها و غدي نلقاو السمن واجد للاستعمال
بالنسبة للحلوة اللي كتلصق بالمربى و كتكون وحدة عادية و وحدة مثقوبة من الوسط باش نحصلو على منظر زوين ناخدو مربى جاري و نخلطو شوية مع سيرو احمر و شوية مع سيرو اخضر ثم نلصقو الحلوة باش نحصلو على لون اخضر و احمر و نزوقو بشوية اللوز مقلي و مهرمش من الجناب
بعض المرات منين كنوجدو حلوة الصابلي كيكون الدقيق خايب و كتفرتت لينا العجينة و ماتبغيش تجمع في هذه الحالة ناخدو ابيض البيض (ماشي الاصفر) و نخلطوه مع العجينة ثم نديرو الاشكال اللي بغينا
ترقاد الحامض
ناخدو كيلو حامض او اكثر من النوع الغليض و نديروه في اناء و نكبو عليه الماء سخون مزيان و نغطيوه و نخليوه يبرد ثم ننشفوه و نشقوه و نعمروه بالملح و نديروه في قرعة و ناخدو صريرة نديرو فيها شوية الزعتر و 3 او 4 حبات من عود النوار (القرنفل) و 2 وريقات من الورد البلدي و نديروها فوق الحامض و نديرو بلاستيكة بيضاء و نسدو القرعة مزيان و نقلبوها على فمها و نخليوها يومين حتى لاسبوع عاد نحطوها عادية هاد الطريقة كنديروها باش ماينشفش الحامض اللي الفوق و يخسر
المايونيز ايلا طاحت لينا و مابغاتش تطلع نزيدو عليها مكعب ديال... الثلج و ملعقة صغيرة ماء بارد و نبقاو نحركو بشوية حتى تشد راسها و تجمع
باش يخمر لينا الكرص بسرعة منين نعجنوه نديرو العجينة في كوكوت و نسدو عليها و نحطو الكوكوت فوق اناء فيه الماء سخون غدي دغيا تخمر
الكيكة باش تطلح مزيان وتنفخ نديرو ليها شوي د الخل ف العجينة
ابيض البيض باش يطلع مزيان نضربوه مع قبيصة د الملح
الحريرة باش مديرش ديك الطبقة ديال الختورة نديرو ليها شوي د الزبدة
المعجنات كتسلق مع الملح والزيت ونديروها فى ونصبو عليها الماء بارد مباشرة باش كتبقى مفرزة
تخزين الحبوب او القطانى او العجائن فى كل قرعة تنديرو اما ازير او السالمية او النعناع او ورقة سيدنا موسى
ملى نبغيو نسلقو البيض الى كان الما بارد نسلقوه 10 د او الماء سخون 5 د
باش كيجيو مقاد فى الطياب
في الطاجين الحامض باش ما يجيش مر نعمل فوقه الملح
البسطيلة باش تكون ناجحة 3 الأوراق باش نفرق الحشوة نطيبوهم في الفران
نصيحة لمسح النحاس
مطيشات محكوكين 2+ 3 ملاعق كبار خميرة الخبز + 3 ملاعق كبار صابون بلدي + عصير حامضة
نخلط الكل وندوزوه على النحاس لي عندنا نتركه قليلا ثم نمسحوه بزيف ناشف
الى شرينا طاجين قبل الاستعمال نعمروها بالماء لمدة 24 ساعة ثم نزولوه منها نعملو فيها زيت رومية مع البصلة دوائرنحكوها بيهم ونخليوها يوم كامل نغسلوها ونمسحوها ثم نستعملوها
المسكة منين تلصق فالملابس ناخدو شوية زبدة و ندهنو بيها الظهر اللي مافيهش المسكة و نلويوها و نديروها فالثلاجة ثم نخرجوها و نكرطوها بسهولة
لتصبين ملابس الصوف بحال الهيدورة او سلهام او جلابة او عباية نفزكوهم و نديرو ليهم الصابون و ناخدو واحد الشطبة تسمى تيغيغشت (تباع عند العطار) و ننقيوها من العويدات و نخبطو بيها ملابس الصوف كتطلق الرغوة مزيان و كتخرج نقية و اللون الابيض صافي
المجوهرات ديال البلاكيوركتطلق الكحولة فالعنق او اليد منين كنعرقو لتفادي هذا المشكل منين نشريوها ندهنوها بلاباز ( الصباغة اللي كيكون لونها شفاف) بالنسبة للكورميط و الخاتم ندهنوهم من الجهة الدخلانية و السنسلة ندهنوها كاملة و منين تزول لاباز و تقشر نعاودو نفس العملية
ليست هناك تعليقات:
إرسال تعليق