مرحبا بكم
موقع ام مروان يقدم لكم طريقة تحضير بداز كيشهي
طريقة تحضير بداز كيشهي
مقادير طريقة تحضير بداز
لحم الدجاج
4 بصلات مقطعين
4 مطيشات منقيين ومقطعين على 2
2معالق صغار إبزار
2معالق صغارسكين جبير
2معالق صغارخرقوم
ملح
نصف كاس زيت عادي
ربيطة قزبر ومعدنوس
نصف زلافة حمص
خضر اللي كتجي في الكسكس أنا درت القرع بأنواعه واللفت والجزر والملفوف
فلفل حار وسمن حار
ودقيق الدرة كلما كان رقيق يجي أحسن والماء تقريبا لتر ونصف .
طريقة تحضير طريقة تحضير بداز
في الطنجرة ندير الدجاج والبصلة ومطيشة والزيت والإبزار وسكين اجبير والخرقوم و الملح ونخليه يتشحر من بعد نضيف الحمص والماء غير يغلى نضيف الخضر باش تطيب مع الدجاج وندير ربطة ربيع وفلفل حار . ( بداز مكيتكسكسش ههههه بحال الكسكس )
وناخد دقيق الدرة ونرشو بالماء ونظغط عليه بيدي (نعركوا )
ونديرو يفور وملي يفور نخويه في القصعة ونرشو بالزيت والماء وشوية ملح ونخليه يشرب شوية
ونردو يفور مرة تانية
وملي يفور نخويه في القصعة ونضيف ليه السمن ونرشو
ونضيف للطنجرة شوية سمن حار ونقاد الملح و نرجع بداز يفور
السمن كيدار في بداز قبل الفورة الأخيرة ماشي بحال كسكسو حتى للأخير لحقاش بداز كيتردم يعني بمجرد ميفور المرة الأخيرة يتسقى فورا ميتبردش وإلا ميشربش المرق
او كنسقيو بداز بالطريقة التقليدية بحال الكسكس العادي
نديرو بداز و نحطو الدجاج في الوسط ثم نحطو فوقو الخضر و نسقيوه بالمرق
نتمنى يعجبكم لأنه لذيييذ بززززززاف والدرة خفيفة وصحية
هاهو بداز واجد
ليست هناك تعليقات:
إرسال تعليق