مرحبا بكم
موقع ام مروان يقدم لكم فطائر مالحين بالصور
طريقة تحضير فطائر مالحين وخفاف
هاد الفطائر كيجيو خفاف ومتشبعوش منهم وعجينتهم مختلفة غدي تعجبكم
مقادير فطائر مالحين
مقادير العجينة
كاس حليب
كاس زيت بلدية مخلطة مع رومية
نصف كاس ماء
ملعقة ملح
ملعقة تحميرة
شوية زعتر
دقيق حسب الحاجة (هزت لي 510 غ )
نحطو السوائل في القصعة مع الملح والتحميرة والزعتر ونزيد دقيق شوية حتى الحصول على عجينة رطبة وما تلصقش
نغطيها ببلاستيك ونخليها ترتاح
الحشوة
زيتون نسيت مصورتوش مع المقادير
4 بصلات مشلظين
2 فصوص ثوم
فلفلة خضراء وحمراء ( الحمراء ممتوفراش عندي اليوم )
زيتون حلقات
مطيشا واحدة كبيرة مربعات
2 حكاك طون
2 بيضات مسلوقين
زعتر
ملح
ابزار
2 معالق زيت الزيتون لا اكثر
نشلظ البصلة ونشحها هي والثومة مع الزيت والملح 5 دقائق ونضيف الفلفل الوان ونحرك ونضيف الزيتون والزعتر والابزار ونحرك ونضيف الماطيشا ونحرك واحد شوية حتى تدبال ماطيشا شوية ونزيد الطون والبيض ونحرك ونطفي النار ونخلي الخليط يبرد
طريقة تحضير فطائر مالحين
نسرحو العجينة ونشكلوها دوائر ومستطيلات
بالنسبة للدوائر كنحطو الدائرة وندهنو جنابها باصفر البيض ونحطو الحشوة في الوسط
ونغطيوها بدائرة اخرى نتكو جنابها مزيان بالفرشيط لي نكونو غمسناها في الفرينة باش متتحلش لينا في الفران ندهنوها بالبيض وندخلوها للفران
بالنسبة للمربعات نحطو الحشوة في الوسط وجمعو جنابها الى الوسط بحال شي ظرف نحاولو نسدو مزيان ونقلبوها في المول بحال المخدة وندهنوها بالبيض ونرشو عليها حبة سوداء او جنجلان او فرماج حسب الرغبة
ممكن نعملو شوصون او شنيك
هاهما فطائر مالحين وخفاف واجدين
ليست هناك تعليقات:
إرسال تعليق