مرحبا بكم
موقع ام مروان يقدم لكم كيكة بحبيبات الشوكولا والتفاح
طريقة تحضير كيكة بحبيبات الشوكولا والتفاح لذيذة بالصور
كيكة بحبيبات الشوكولا والتفاح للاخت لطيفة جزاها الله خيرا
مقادير وطريقة تحضير كيكة بحبيبات الشوكولا والتفاح
مقادير الحشوة
4 تفاحات
م ك القرفة
نصف كاس سنيدة
نقيو التفاح ونقطعوه قطع متوسطة الحجم
نديرو فوقها القرفة وسنيدة
نخلطوه مزيان ونتركه جانبا
مقادير الكيك
3 بيضات كبار
كاس الحليب
نصف كاس زيت
نصف كاس الزبدة مدوبة
كاس سنيدة
2 كيسان ونصف حتى 3 كيسان الدقيق
2 خمارات وفاني
نصف كاس الكركاع مهرمش
وشوكلاط مقطع قطع صغير او حبيبات الشوكلاط
طريقة تحضير كيكة بحبيبات الشوكولا والتفاح
في الميكسور نديرو البيض وسنيدة ونخدموهم مزيان
نزيدو باقي المقادير الزيت والزبدة والحليب والفاني بالتتابع وحنا ديما مخدمين الميكسور
نزيدو الطحين والخميرة ونخلطو غير بالسباتيل
نزيدو الكركاع ونخلطو وهاهو خليط الكيك واجد
خليط التفاح و سنيدة طلقات بحال السيرو
في مول مدهون بالزبدة ومرشوش بالطحين انا درت ورق السولفيريزي نكبو خليط الكيك كله
نحاولو نفرقو فوقه خليط التفاح وحتى السيرو ديالو
نديرو حبيبات او طريفات الشوكلاط من الفوق وندخلوها تطيب
نزلوها فوق شي شبكة حتى تبرد ممكن نخليوها عادية منظرها زوين او نزينوها بلي بغينا
انا زينتها بالشوكلاط ابيض دايب مخلط مع دانون طبيعي جا مداقها روعة
وبالصحة والراحة
هاهي كيكة بحبيبات الشوكولا والتفاح من الداخل
ليست هناك تعليقات:
إرسال تعليق