مرحبا بكم
موقع ام مروان يقدم لكم مسمن بالبصلة والزعتر كيجي هائل بالصور
طريقة تحضير مسمن بالبصلة والزعتر مورق بالصور
مسمن بالبصلة والزعتر للاخت لطيفة جزاها الله خيرا
مقادير مسمن بالبصلة والزعتر
500غ فورص +250 غ فينو انا استعملت فرخ سميدة+ ملح قريصة +خمارة معجونة ماء لجمع العجين
للحشوة
كمية من البصل مشظة ومشحرة مع زيت وملح +زعتر منقي ومغسول +فرماج السندويش حسب عدد حبات المسمن لي ناوية توجدي
طريقة تحضير مسمن بالبصلة والزعتر
نخلطو مقادير العجين
ونعطيوها دليك لمدة 10 دقائق لحقاش سميدة تبغي دليك نخليوو عجينة ترتاح شوية
ونقطعوها كرات صغار في الزيت ونخليها ترتاح 10 دقائق قبل التعمار
نسرحو الكرة الاولى مزيان ونحطو ملعقة او اكثر من البصل المحمر
نحطو فوقها فرماج السندويتش او ممكن نعوضوع بكمية من الفرماج الاحمر او اي نوع اخر نرش الزعتر بكثرة
ونرد الوجه الاول للعجينة على الحشوة
ثم الوجه التاني للحصول على مستطيل طويل ..نرد الجهة اليمنى على الوجه
ونقلب لمسمنة ديالنا ونرد الجهة اليسرى على الجنب لي كان التحت باش متقطعش لينا لمسمنة وفي هاد الحالة منحتاجوش نديرو مسمنة في وسط مسمنة
هاد الطريقة احسن وكافية
نطيبو المسمن في مقلاة ثقيلة تكون سخونة
هاهو مسمن بالبصلة والزعتر واجد
mssaman blbsla wza3tar
ليست هناك تعليقات:
إرسال تعليق