ميني كيش بالكريما سهل و بنين

مرحبا بكم

موقع أم مروان لكل ما يهم المراة العربية يقدم لكم

 ميني كيش بالكريما سهل و بنين

فكرة للميني كيش بسيطة. متواضعة فالمكونات و لذيذة فالمذاق. كنقدمها لكم على أساس التغيير فقط.


على بركة الله نبدأ.

مقادير و طريقة تحضير العجين :

- 200g دقيق.
- 80g زبدة بحرارة المطبخ.
- ملعقة.ص ملح.
- ملعقة.ص سكر.
- كأس إلا ربع ماء (العنبة).



ناخد كأس الماء و نضيفلو السكر و الملح و نحرك حتى يدوبو.
نبسـس الدقيق بالزبدة.
نضيف الماء للدقيق و نجمع العجينة بصباعي بلا دليك، نخليها خفيفة شوية.
نحتفظ بالعجين فالثلاجة لمدة 1h على الأقل.

طريقة تحضير الحشوة :

ناخد 2 بصلات و نقطعهم مربعات صغيرة.
مع قليل من الزيت نديرهم فالمقله و نرش عليهم الملح.
نسد على المقلة و نخلي البصلة طيب فوق نار مهيلة.

 

 مين نشوف البصلة بدا يدخلها الطياب و هبطت نزيد عليها خيزو محكوكة.
نسد و نخليهم يطيبو فوق نار مهيلة.

نزيد شوية معدنوس مقطع + ملح + بزار + كمون و نخلط كلشي.



نقوم الكفتة : رشة ملح + كمون + رشة بزار + معلقة صغيرة قسبر مطحون + شوية معدنوس مقطع.

 

 نديرها الطيب.
نجهد للنار و نبقا نحرك و نفتت فالكفتة طريفات صغار... نبقا مقابلاها حتى نشوفها طابت.



مين طيب الكفتة و تنشف المقلة من الما لي فيها، نزيد القشدة و نطفي النار و نحرك.

الحشوة وجدت، ندوز دابا لتحضير العجين.



نخرج العجينة من الثلاجة و نحاول نقسمها بالتساوي.



ناخد القليل من الماء ندهن به يديا باش نتحكم أكتر فالعجينة.



نشكلها فالمول و ندخلها طيب نص طياب.

نخرجها من الفران و نعمرها بخليط الكفتة و الكريما...

 

رشيت عليها البارمتجانو محكوك (أو أي فرماج محكوك يكون حمضي).

نرجعهم للفران يكملو طيابهم.



زينتهم بجبنة الموتزاريلا محكوكة. و دخلتهم لفران مطفي و سخون.



ها هو الميني كيش ديالنا وجد بفضل الله.



و بنفس المكونات سبقلي وجدت كيش كبير.



نتمنى نكون فدتكم رغم بساطة الموضوع.