كيكة بكريمة القهوة ودانيت مذاق لايقاوم بالصور

مرحبا بكم
موقع ام مروان يقدم لكم كيكة بكريمة القهوة ودانيت بالصور
مقادير وطريقة تحضير كيك بكريمة القهوة ودانيت

مقادير الكيك بكريمة القهوة ودانيت 

(العبار بكاس دانيت ديال 90غ)
5 بيضات
كاس دانيت بشكلاط
3 كيسان سنيدة
3/4 كاس زيت
1/2 كاس بودرة الكاكاو
1/2 كاس قهوة معصرة
3 كيسان طحين
3 خمارات

طريقة تحضير كيك بكريمة القهوة ودانيت بالصور

كطربو دانيت و سنيدة مزيان 

كزيدو عليه الزيت+القهوة وكنخلطو من بعد كنزيدو البيض وحدة بوحدة مع رشة

 ملح وكلما زدنا بيضة كنطربوها عاد نزيدو الاخرى

كنزيدو الطحين مع الخميرة وبودرة الكاكاو و نحركو بسباتيل

كندخلو الكيك لفران يطيب

مقاديركريمة القهوة 

1/4 لتر حليب 
زلافة صغيرة قهوة معصرة او كاس عنبة 
3 معالق كبار سنيدة
3 معالق كبار كريم باتسيير
80غ شكلاط
معلقة كبيرة الزبدة
طريقة تحضير كريمة القهوة
كنديرو الشكلاط مع الزبدة يدوبو
وفي اناء اخركنديروفوق نار مهيلة الحليب والقهوة مع غبرة الكريم باتسيير و سنيدة وكنحركو حتى يعقادونزيدو عليه الشكلاط المذوب

كنقسمو الكيكة على جوج و كنسرحو الكريمة ونغطيو بالطبقة الثانية ديال الكيكة
وندهنو الجناب ديال الكيك حتى هما

طريقة تحضير كلاصاج بدانيت
دانيت بالشكلاط1
100 غ شكلاط اسود
في حمام مريم كتسخنو دانيت و كنزيدو الشكلاط حتى يدوب و كندهنو بيه الكيك من الفوق

وكتعملي نقيطات كبار بكلاصاج كراميل (انا دوبت الشكلاط ابيض مع شوية دانيت بالكراميل)
و كتعملي خطوط عشوائية وتحصلي على شكل رخامي
وفي جناب زوقتها بشكلاط فرميسيل

 هاهو الكيك بكريمة القهوة ودانيت