مرحبا بكم
موقع ام مروان يقدم لكم جديد حلويات الصابلي
طريقة تحضير جديد حلويات الصابلي بالصور
مقادير جديد حلويات الصابلي
250 غ زبدة اطلس او بونة…4بيضات كبار ..2كيسان عنبة زيت …2كيسان سنيدة . شوية ملح+ الدقيق حسب الخليط
طريقة تحضير جديد حلويات الصابلي
نخلط الكل ونزيد الطحين وتكون رطبة وتقسم على اربع كورات كويرة نزيد لها روح الفانيل غبرة والثانية نسموها بشوية روح الكاراميل والثالثة قشرو الحامض والرابعة بشوية اللوز مطحون بقشوره وهو اخضر ويرجع غبرة ونخليو العجين ترتاح على الاقل نصف ساعة وسط بلاسيكات
الشكل الاول
صابلي كوكياجة نطلقو الصابلي اللي فيه اللوز مطحون بودرة ونطلقه دوائر وللفرن ومين يطيب يبرد ولصقو عليه كوكياجات من الشكلاط وندهنو الراس بشوية نباج ونمرروه فاللوز او كاوكاو مهرمش (المرشم الدائري يكون شوية كبير على دائرة الكوكياجة )
الشكل الثاني
اللي فيه روح الكاراميل صابلي بريستيج بالكاراميل نطلقه بمرشم ovale ويكون ملبي شي شوية باش منين نبركو بالمرشم وتجي حفرة في الوسط واللي ملقاتش المرشم هدا ترشم بمرشم ovale وتاخد قرعة سيدي حرازم خاوية وبالغطاية وتبرك في الوسط بديك الغطاية باش تكون حفرة وبعد الطهي ندهنوا الجوانب بشوية نباح ونعملو ليها اللوز او الكاوكاو مهرمش ونعمروا الوسط بنستلي كاراميل ونعملو خطوط بالشكلاط ابيض
الشكل الثالث
اللي فيه قشور الحامض نطلقوه بشكل مربع عادي وبعد الطهي نعمل نقطة في الجانب شكلاط ابيض ونحط فوقه بشكل معاكس مربعات فارغة من الوسط ديال الشكلاط بهاد السليكوم وناخدو 8ملاعق كبار نباج ونسخنوه مزيان وخارج النار نزيد 2معالق كبار كلكوز وروح الحامض اللي يكون جيل ماشي سائل ونحرك ونعمرو داك الفراغ ونرشو الوسط غي بشوية بافو
الشكل الثالث
صابلي الدمعة ناخدو الكورة لي فيها روح الفانيل غبرة تطلق وتقطع بمرشم الدمعة واحدة عادية والثانية مثقوبة من الوسط وبعد الطهي ناخدو القطعة المثقوبة وندهنوها من فوق بشوية نباج وتمرر فاللوز او كاوكاو مهرمش ونلصقها مع القطعة العادية وداك الفراغ ناخدو نفس القياس اللي درنا النباج بروح الحامض غي الحامض كنبدلوه بروح البسطاش
وبالصحة والراحة ونتمنى نكون وصلت الفكرة مزيان شرحتها ليكم بطريقة شرحي لمستفيداتي وشي دعوة دالخير والصور توضح
sable
ليست هناك تعليقات:
إرسال تعليق