طورطة بالجزر والتفاح لكن هده المرة الطعم غير يمم

مرحبا بكم

موقع أم مروان لكل ما يهم المرأة العربية يقدم لكم

 طورطة بالجزر والتفاح لكن هده المرة الطعم غير يمم
 

طورطة الجزر طبعا الكل كيعرفها او مجربها لكن
هد المرة بغيتكم تجربوها بلمساتي الخاصة مقاديرها بسيطة لكن
أممممم وكيف العادة انتما تحكمو من بعد ماتجربو

مقادير  طورطة بالجزر والتفاح لكن هده المرة الطعم غير يمم
  3 بيضات
كاس صغير زيت /100مل
كاس صغير سنيدة
ملعقة صغيرة قرفة
ملعقة كبيرة كاكاو
خمارة ونصف ديال 15غ
2 كيسان ونصف دقيق (عينك ميزانك حيت لخليط كيكون اصلا عاقد )
2 خيزوات محكوكين
تفاحة وملعقة حامض
ولموجود عندنا من فواكه الجافة


اول حاجة كنقيو تفاحة ونقطعها طريفات ونديرها تتعسل مع ملعقة حامض و2 معالق سكر
 
 غير يدبل وكنوركو عليه بفرشيط نخليه شوية يتعسل ونطفي
 
 كنحكو خيزو في حكاكة رقيقة ونزيد البيض وسكر وزيت
 
 تم تفاح لعسلت ولقرفة

 
تم كاكاو والدقيق

تم لخميرة وشوية كركاع وتمر مقطع أو زبيب (لموجود عندنا )
 
 ونفرغو الخليط في مول مدهون ومرشوش بالدقيق للتوضيح راه الخليط كيجي عاقد على كيكة عادية
 
 ندخلها لفران تطيب عينك ميزانك وأنت وفرانك
انا خدات 15 د/180 درجة درتها من بعد الخبز
 
 هنا خرجتها وحطيت فوق منها طراف شكلاط يدوبو
بلى تدواب وكاسرونات وصداع الراس هههههه
 
 سرحت شكلاط وشرطتها بفرشيط ودخلتها لثلاجة عاد قلبتها في طبسيل
 
 وزينتها بحبات لكركاع
 

 وفي الآخير رشة خفيفة كلاصي غير باش نهرسو اللون الآسود

 
 وبالصحة والعافية