مرحبا بكم
موقع أم مروان لكل ما يهم المراة العربية يقدم لكم
كرتان لي بات شهوة منو فهاد البرد..ميم.. ميم
* سلقت ليباط،وصفيتهوم : درت الماء يغلي مع مليحة وزويتة وورقة سيدنا موسى
*وجدت صلصة الطماطم : في كوكوت درت 3 طماطم + بصلة + فلفلة حلوة و حارة إلى بغيتي + التومة ،بلا ماء بلا زيت على عافية مهيلة
طابت طحنت كولشي..
زت زويتة+مليحة+ابزار+ربيع+لي بغى يزيد زعتر+سكنجبير
*وجدت صلصة البيشامل : معلقة زبدة + 2 معالق طحين + كاس ونصف حليب،حتى تعقاد...
نحيدها من على النار نزيد مليحة والكوزة والابزار(أنا تنستعمل الأبيض دائما) +بدا إلى بغيت مشي
ضرورية وشوية فرماج أحمر،إلى مكانش ممكن تعوضوه ب 3 فرماج متلث
*خلطت ليبات مع صلصة الطماطم،وتنخليو شوية نزينو بيه في الاخر
*درتهوم فمول الفران
*وصبيت عليهم صلصة البيشامل
*ودخلتها للفران
* هاهي ملي خرجات من الفرن
*حكيت عليها فرماج أحمر ورجعتو يتحمر شوية
* ماشاط منو والو ميام ميام..يالله وريوني الحداكة ديالكم..
*** ممكن ديري تروف ديال لا دند أو صدر الدجاج أو الكفتة مع لي باط ،تيجيو لذاد ***
*** سمحوا لي ماتنصورش جميع المراحل،حيت بوحدي وتيجيني صعيب نخدم ونصور بوحدي ***
ليست هناك تعليقات:
إرسال تعليق