مرحبا بكم
موقع أم مروان لكل ما يهم المرأة العربية يقدم لكم
أفخاذ بيبي معسلين بالبصل و الزبيب
أخواتي العزيزات كيف حالكن إن شاء الله بخير
اليوم أخواتي غنحط ليكم بيبي معسل نبداو على بركة الله
الطريقة:
كيلو أفخاد بيبي الملج أو الطرف كيكون لاصق فالفخد هولي درت
بصلة متوسطة محكوكة غليظة
ملح
ملعقة صغيرة بزار
ملعقة صغيرة سكنجبير
ملعقة صغيرة مروزية
ملعقة صغيرة خرقوم بلدي
شوية خرقوم الملون
2 ملاعق ربيع
تومة محكوكة
2 ملاعق كبار زيت
بصلة كبيرة مقطعة طريفات كبار
الزبيب
ملعقة كبيرة سنيدة
ملاحظة:
مني تغسلوا بيبي عصروا عليه الحامض وخليوه على الأقل نصف ساعة عاد غسلوه و ديروه يطيب
الطريقة:
في طاجين درت طريفات بيبي + الزيت + الملح + الخرقوم بنوعيه ونتركه يتقلى مزيان من الجهتين على عافية مهيلة
ثم نضيف البصلة المحكوك + التومة + البزار + سكنجبير + المروزية + الربيع ونتركه يطيب نصف ساعة حتى تنسجم العناصر
بعد ذلك نضيف البصلة ثم الزبيب و نتركه يطيب ومني يقرب يطيب نزيد عليه سنيدة ونتركه حتى يطيب ويتعسل
و ها هو مني طاب نتمنى يعجبكم
بالصحة و الراحة
ليست هناك تعليقات:
إرسال تعليق