كيكة عادية ولكن عجيبة

مرحبا بكم

موقع أم مروان لكل ما يهم المرأة العربية يقدم لكم

كيكة عادية ولكن عجيبة

السلام عليكم ورحمة الله تعالى وبركاته
اللهم صل على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد عدد ما كان وعدد مايكون وعدد الحركات والسكون

هاد الكيكة فايت ليا شفتها فكوكل شحال من عام هادي ويني نسيتها حتال مؤخرا طاحت ليا فالبال وقلت نجربها وجات زوينة حتى الضياف مكيفهموش كيفاش مصوبة.المهم انا نقلت غير الطريقة من كوكل اما المقادير فهوما ديالي يعني لي بغات تجربها بمقاديرها تجربها لي بغات دير ديالي دير مول كبير حنت كتجي كبيرة
المقادير غادي نكتبهم لانني صورتهم ومالقيتش الصورة ديالهم لا فالتليفون لا فلبيسي

المقادير
4 البيضات
3الخمارات
فاني
كاس ع زيت
كاس ونص ع سنيدة
كاس ع حليب
دانون فريز او بنان او لي حبيتو
عصير نص حامضة+م ك خل
3 ك ع طحين مغربل مع الخمارات
للتزيين
كونفتور
الطريقة
ساهلة بحال اي كيك نخلطو السوائل وعاد النواشف ندهنو المول ونغبروه بالطحين ونخويو الخليط ويني هنا غادي نقصو شوي منو فميكة تقريبا كاس عنبة او كتر شوي انا كندير عيني ميزاني ولكن واحد المرة كترت وشاط ليا درت بيه 2 كاب كيك ومرة نقصت ومكملاتش ليا الزواقة وديبانيت بخليط كيكة خرى كنت كنوجد فيها
المهم ها الصور عاد غادي تفهموني

الخليط لي نقصنا ضروري نديروه لفوق فالتلاجة باش ميسيحش

كنطيبو لكيكة ديالنا عادي من الفوق ولتحت ومباشرة ملي نخرجوها ندهنوها بالكونفتور ونزوقوها بالزربة بالخليط لي حتافضنا بيه فلاول نتقبو الميكة ونعملو خطوط ونرجعوها طيب غي من الفوق

مهم جدا فهاد المرحلة نخفو يدينا ونزربو شوي فالزواق باش ميسيحش الخليط حنت الكيكة سخونة انا ملي كنحس بيها قربات طيب كنديرو فلفريكو علاما خرجتها عاد نزوق بيه

بالنسبة للكونفتور عندي ديال الدار ديال المندرين ويني كنطحنو ونزيد عليه ملون حمر ولاروم دالفريز وشوي سنيدة ونطبخو تيجي مداقو زوين معاها هو لي كندير حتى فصابلي دكشي باش قلت ليكم ديرو دانون فريز فلكيكة