حلوة الكوك معلكة وجميلة بالصور

مرحبا بكم

موقع أم مروان لكل ما يهم المرأة العربية يقدم لكم

حلوة الكوك معلكة وجميلة بالصور

حلوة الكوك معلكة وجميلة
مقادير حلوة الكوك معلكة وجميلة

180 غ ابيض بيض (أبيض 5 بيضات اذا كان كبير أو 6 اذا كان صغير)
400 غ سكر ضروري هاد الكمية لانجاح الوصفة
270 غ كوك رقيق
فاني
قشرة حامضة محكوكة
اناناس ، شكلاط ، مربى او حسب الرغبة
طريقة تحضير حلوة الكوك معلكة وجميلة
نعمل كاسرونة فيها الماء يغلي و نعمل فوق منها زلافة مقاومة للحرارة بان ماري
منين يغلي الماء نقص من العافية و نعمل البيض السكر و كوك
 

 نبداو نخلطو على نار مهيلة مابين 25 إلى 30 دقيقة
 

 حتي نحصلو على عجين رخو بحال لي فالصورة

 

 نزولوه من على العافية و نضيفو قشور الحامض
 

 نخليوه يبرد تقريبا ساعة او اقل على حساب درجة الحرارة لي عندكم
انا كان عندي الصهد خدا لي تقريبا ساعة و نصف باش يبرد
اذا ما بردش ماغاديش تكور الحلوة
 

 نعملها كويرات و نباعد بيناتهم و نعمل حفيرات فوسطها
 

 نعمرهم على حساب الرغبة
 

 ندخلوهم للفران يكون سخون مسبقا على درجة حرارة عالية 200 مئوية
ما بين 18 إلى 20 دقيقة
 

 يتحمرو و يولي لونهم ذهبي و من الداخل كيبقى لونهم ابيض
منين كيبردو كيكونو مقرمشين من برا و رطبين و معلكين من الداخل
هاهي حلوة الكوك معلكة وجميلة واجدة

 

 بالصحة والراحة