شنيك بالخميرة البلدية رائع بالصور

مرحبا بكم

موقع أم مروان لكل ما يهم المرأة العربية يقدم لكم

شنيك بالخميرة البلدية رائع بالصور  

مقادير شنيك بالخميرة البلدية رائع
250g خميرة بلدية (من الاحسن نوجدوها في الدار)
275g دقيق ديال الحلوى
معلقة صغيرة ديال الملح
100gسنيدة
225gزبدة
نص كاس ماء
نصف كاس إلى كاس حليب حسب نوع الدقيق (لجمع الدقيق)
معلقة صغيرة النشا ديال بطاطة حرش ممكن تعوضيه بالنشا ديال الدرة مايزينا
شوية الزبيب
كريم باتيسيير
شوية الكونفيتير دهنيه بيها من تخرجيها من الفران ممكن ديري العسل
 

 طريقة تحضير شنيك بالخميرة البلدية رائع
بالنسبة للكريم باتيسيير
3 اصفر البيض و 8معالق سنيدة 8معالق مايزينا ونص لتر حليب
كنطرب كلشي ونشعل عليهم العافية مهيلة دون التوقف عن التطراب تا تبدا غير شوية تتقال ونطفي عليها ونستمر في التطراب شوية
وهاهي واجدا
 

 كنخلطو المكونات ديالنا
والزبدة خدي منها 125g
 

 كنجمعو العجينة وندلكوها مزيااان
مزيان مزياااان
وباش تعرفيها انها دلكات هي او اي عجينة انك تولي تهزي طرف منها وتجبديه بلا ما يتقطع ليك لدرجت انها يبان لك لخيال ديال صباعك من تحتها بلا ما تتقطع بحال هكدا
 

 فيها تامارا نييييت ولكن النتيجة تتكون راااااائعة و رحم الله عبدا عمل عملا فاتقنه
وهنا ملي دلكتها
 

 خليها ترتاح واحد ربع ساعة
وسرحي الزبدة ديالك الي بقات الي من الافضل تكوني دايراها في التلاجة
 

 تم سرحي العجينة ووضعي على الثلثين ديالها الزبدة كما في الصورة وطويها طوية ديال3
 

 ودخليها للثلاجة واحد 2 ساعات
من بعد خرجيها وسرحيها ثاني وديري طوية ديال 4

 

رجعيها للثلاجة 20 دقيقة
من بعد سرحيها وعاودي طويها على 4 ودخليها ثاني للثلاجة 20 دقيقة
صافي وسرحيها مستطيلة ممكن تخليها عريضة الى بغيتيها تجيك كبيرة انا تنفضلها صغيرة
ومن الافضل تبقا شوية العجينة غليظة مترققيهاش بزااااف
 

 دهنيها بالكريم باتيسيير والزبيب وروليها بحيث انك تخليها شوية مرخوفة
 

 ودخليها للمجمد 45 دقيقة
وملي تخرجيها قطعيها وخليها تخمر على الاقل 3ساعات
ودخليها الفرن طيب وهاهو شنيك بالخميرة البلدية رائع واجد

 

 وبالصحة والراحة