مرحبا بكم موقع ام مروان يقدم لكم كريمة الشكلاط
طريقة تحضير كريمة الشكلاط
هاد الكريمة من أسهل و أرخص و ألد ما يكون او فوق هادشي متعددة لاستعمالات ...
الصراحة هي غي من ابداعي . استعملتها مع كريب احد الأخوات فالمنتدى نسيت سميتها حيت نقلت الوصف فالكمبيوتر حتى فات مدة عاد جربتها. المهم كنشكر هاد الأخت
بلا منزيد نطول عيكم نبداو بإدن الله
تندوبو الشكلاط ( الكمية لي تحتاجي ) فحمام مريم او تضيفيلو الزيت على حساب الكمية لي عندك ( معلقة ونص لكل 100 غ من الشكلاط)
نحركو مزيان حتي يدوب الشكلاط او نضيف الحليب حتى نحصلو على سائل ماتكتروش الحليب غي تحصلو على سائل توقفو عن اضافة الحليب
صبوا الخليط لي فزلافة فكصرونة اخرى ( يعني حيدوه من حمام مريم او ردوه فكصرونة اخرى او ضيفولو النشا او هو فوق النار مع التحريك توقفوا منين يتقال الخليط او يعقد
رفعوه عن النار
او خليو يبرد
ليست هناك تعليقات:
إرسال تعليق