مرحبا بكم
موقع أم مروان يقدم لكم
بلاطو سابلي برستيج 3 أشكال مختلفة
بلاطو سابلي برستيج 3 أشكال مختلفة
بلاطو سابلي برستيج 3 أشكال مختلفة
موضوع للاخت : ام أســامة وأيــمان جزاها الله عنا كل خير
بلاطو سابلي پرستيج 3 أشكال مختلفة
غريبة بالكاكاو
مقادير غريبة بالكاكاو
150 غ كاوكاو محمر ومقشر ومطحون مزيان
150 زبدة
100غ سكر كلاصي
7 غ كاكاو
نص م ص فاني غبرة
قبصة ملح
200 غ دقيق ممكن تحتاجو اكثر حسب نوعية الدقيق
طريقة تحضير بلاطو سابلي پرستيج 3 أشكال مختلفة
خدمت الزبدة مع السكر والفاني ثم ضفت الكاوكاو مطحون وخلطت مزيان ثم ضفت الدقيق
منين جمعتها خليتها ترتاح ساعة وعملت كويرات صغار فيهم 15 غ ونزلتهم فوق بلاستيك ورشيتهم بالسكر بودرة ودخلتهم الفران
هنا رافقتها مع سابلي بريستيج
ماكاروون بالكوك والكشلاط
مقادير ماكارون بالكوك والكشلاط
مورانكغ إيطالي خديتو من الشيف أم هداية
150 سكر
ربع كأس ماء
50 غ أبيض بيض
بعد تحضير المورانكغ نضيف له 60 غ كوك
30 غ بوذرة اللوز ونخلط الكل من تحت إلى فوق غير بشوية باش مانهرسش المورانكغ
نضع الخليط في جيب الحلواني ونشكله مثل الماكارون ونضغط على الرأس وندخله لفرن مسخن مسبقا على 160 درجة
تقريبا ربع ساعة
هاهما منين خرجو من الفران متحديوهمش وهما باقين سخان
منين بردو غطيتهم بالشكلاط وزينت بالفواكه الجافة
بالصحة والراحة
سابلي بالكوك والكاوكاو بمذاق مختلف
هاد السابلي كيجي لذيذ بزاف فيه مزيج بين مذاق الكوك ومذاق الكاوكاو نتمنى ينال إعجابكم
نبداو على بركة الله بعجين الكاوكاو او زبدة الكاوكاو سميوها كيف بغيتو
هنا عملت تقريبا 100 غ كاوكاو محمر ومقشر طحنتو مع إضافة 2 م ك عسل وشوية زيت أركان وممكن تستعملو زيت الرومية
كنطحن ونضيف الزيت حتى نحصل على القوام لي بغيت واحتفضت بيه لحين الإستعمال
إدا بغيتو تحضرو زبدة الكاوكاو زيدو ضيفو الزيت لانها خصها تكون خفيفة أكثر
مقاديرسابلي بالكوك والكاوكاو
125 غ زبدة
100 غ كوك
100 سكر كلاصي ممكن تنقصو إدا متبغيوش الحلاوة
50 غ عجين الكاوكاو
7 غ كاكاو
1بيضة صغيرة
أصفر بيضة
م ص خميرة الحلويات
دقيق حسب الخليط
طريقة تحضيرسابلي بالكوك والكاوكاو
نخلط الزبدة مع السكركلاصي ثم نضيف البيض ونخلط مزياااان
ثم نضيف الكاكاو وعجين الكاوكاو ونخلط مزيان ثم الكوك ثم الدقيق والخميرة
طلقت العجين بين بلاستيك وقطعتو بالشكل لي فالصورة ودخلتو للفران
وفهاد الوقت حضرت حلوة اخرى لي غادي نزين بيها
مقاديرها : شوية الفواكه الجافة حسب المتوفر + كورن فليكش مشكل فيه الخرطال وانواع أخرى من الحبوب وممكن إستعمال الكورن فليكس العادي + شكلاط أبيض
طحنت الفواكه الجافة وخلطتها مع الكورن فليكس والشكلاط مدوب وعملتهم فوق السابلي بعد ما برد وخليتو يبرد
الخليط لي بقا عملتو فكويغطات صغار
زينت بخطوط من الشكلاط أسود وقطع الشكلاط
تبارك الله عليك اختي
ردحذفربي يخليك
ردحذف