كيكة ريشوند هشيشة ولذيذة بالصور

مرحبا بكم

موقع ام مروان يقدم لكم كيكة ريشبوند

كيكة ريشبوند بالصور

مقادير كيكة ريشبوند
3بيضات حجم كبير او 4صغار
كاس عنبة حليب
كاس عنبة سكر
كاس عنبة زيت
كاس دانون طبيعي
2خمارات الحلوى
زلافة كوك
زلافة دقيق ممكن اكثر ممكن اقل حسب نوعيته

للتزين كنحتاجوا كوك و مربى المشمش
طريقة تحضير كيكة ريشبوند
فخلاط كهربائي كنوضعوا الزيت و الحليب و دانون و البيض و نخلطوا مزيان
نضيفوا الكوك و نطحنوا مزيان باش تنسم السوائل بالكوك و يتطحن معاها
كنفرغوا الكيك فاناء و نضيف الخميرة و الدقيق معلقة معلقة حتى كتحصلوا على الكثافة المناسبة للكيك العادي

كنعملوه فمول مدهون و مرشوش بالدقيق
ونرسله لفرن ساخن مسبقا10د على عافية مجهدة و 20 حتى ل 30د على عافية مهيلة
غير تطيب و هي سخونة نسقيها بكاس مربى يكون سائل و نزينها بالكوك و نخليها تبرد 

هاهي كيكة ريشبوند واجدة