ديسير بالكريمة لذيذ بالصور

مرحبا بكم
موقع ام مروان يقدم لكم ديسير بالكريمة
مقاديرطريقة تحضير ديسير بالكريمة
 
مقادير ديسير بالكريمة
الكريمة ديال الليمون :

4كيسان ديال العنبة عصير الليمون
2بكيات ديال فلان عادي
3 معالق سنيدة
3معالق مايزينا
طريقة تحضير كريمة الليمون
نديرو المقادير كلها في كاسرونة ما عدا مايزينا و نديروهم فوق البوطة على نار هادئة مع الطراب اليدوي من بعد ما يبان لينا الخليط بدا يفيض نديرو مايزينا و ردو البال معاها راه كتكور داكشي علاش قلت خاص طراب يدوي و نخليوها فوق البوطة مع التطراب
و هي كطيب و هي كتعقاد ملي تقال صافي نحيدوها من فوق البوطة الى شفتوها مازال خفيفة زيدوها مايزينا
نصبوها في كؤؤوس التقديم

وهنا غنحتاجو لتفاحة او بنانة او مانكا او اي فاكهة كتفضلو مقطعة شرائح رقيقة او المكسرات انا استعملت التفاح ونستفو الفاكهة اللي اختارينا و ندردرو شوية د القرفة فوق منها
مقادير كريما مايزينا:

1لتر من الحليب
 2فاني
6معالق مايزينا
4 معالق سنيدة
طريقة تحضير كريمة مايزينا
نديرو المقادير كلها في كاسرونة ما عدا مايزينا و نديروهم فوق البوطة على نار مهيلة مع الطراب اليدوي من بعد ما يبان لينا الحليب بدا يفيض نديرو مايزينا و نطبربو منين تعقاد نحيدوها من فوق البوطة الى شفتوها مازال خفيفة زيدوها مايزينا 


غير توجد نصبوها فوق الطبقة اللي درنا من قبل

ونديرو في الاخير القرفة
هاهو الديسير بالكريمة واجد