مرحبا بكم
موقع ام مروان يقدم لكم بيتزا معلكة بالصور
مقادير وطريقة تحضير البيتزا معلكة بالصور وبطريقة رائعة
مقادير بيتزا معلكة بالصور
كيلو فورص
شوية الملح+ الخميرة ديال العجين+ شوية الزعتر
كاس ديال الزيت البلدية يكون عامر مزيان
كاس ديال الماء او اكثر على حسب نوعية الدقيق
طريقة تحضير بيتزا معلكة بالصور
كنخلطو الفورص +الملح+ الزعتر +الزيت البلدية وكنعجنوهم ونزيدو الماء دافىء شوية بشوية وتكون عجينة البيتزا مرخوفة وكتلصق بالايديونخدموها مزيان وحنا كنزيدو الماء
ونقسمو العجينة وكل كرة كنخرجو منها 2 بيتزات نخليو العجينة تخمر نصف ساعة
ندوزوا للحشوة على حسب الرغبة مقادير حشوة بيتزا معلكة بالصور
فلفلة خضراء مقطعة مربعات صغيرة
الموزريلا محكوكة فالحكاكة الغليضة
الذرة مصبرة
شوية ديال الشومبينيو
الطون
وصوص ديال الطماطم انا كندير حك ديال مطيشة معلبة وكندير معاها ملح ابزار كمون تحميرة ودريس توم وشوية زيت العود متنكترش منو تنزيد عليها شوية الماء فاش طيب لي لاصوص وتنخليها حت تتوقف وكندير بها البيتزا
كنسرحو العجين بالمدلك رقيقة ونتقبوها بالفورشيط
ندهنو عجينة البيتزا بالصوص
ونرشو على عجينة البيتزا شوية الموزريلا
من بعد نديرو الحشوة
ونديرو فوق البيتزا الموزاريلا من الفوق
كندخلو البيتزا لفران ونشعلو غير لتحت
منين طابت البيتزا كنرشو عليها شوية الزعتر ونسقيوها بزيت الزيتون حار يعني مرقدة فيها الفلفلة حارة
منين طابت البيتزا كنرشو عليها شوية الزعتر ونسقيوها بزيت الزيتون حار يعني مرقدة فيها الفلفلة حارة
هاهي البيتزا معلكة واجدة
ونقدمو البيتزا معلكة بالصحة والراحة
ليست هناك تعليقات:
إرسال تعليق