مرحبا بكم
موقع ام مروان يقدم لكم نوعين من المقروط
طريقة تحضير نوعين من المقروط بالصور
مقادير نوعين من المقروط بالصور
3 زلايف سميد رقيق
3/4 زلافة زبدة دايبة+زيت
قبصة ملح
عقدة التمر
شوية لوز محمر ومهرمش
عسل
ماء+ماء الزهر
طريقة تحضير نوعين من المقروط بالصور
كنعملو السميدة مع الملح في اناء وكنضيفولو الزبدة والزيت
وكنبسوه يعني نخلطوهم ونوضعوهم في شي بواطة ونغطيو وندخلوهم الثلاجة ليلة كاملة
في الغد كنخلطو التمر مع اللوز ونديروه على شكل قضبان رقيقة
كناخدو شوية سميد وكنجمعوه بالماء+ماء زهر حتى نحصلو على عجينة متماسكة (مندلكوهاش منين نكونو نجمعوها كندورو يدينا في السميدة وحنا كنضيفو الماء وماء الزهر غير بشوي)
كنشكلوها على شكل قضيب
كنحلوه في الوسط
ونعملو قضيب التمر ونلويوه نغطيوه ونعطيوه شكل قضيب مرة أخرى ونبسطوه شوية
كنوضعو طابع خاص ونقطعوه معينات ونخليوهم حتى نكملو كلشي
وهنا درت شكل اخر،كنورقو العجينة دالنا بين 2 بلاستيك ونفس الشئ كنديرو للتمر
من بعد نوضعو التمر فوق العجينة ونلويوهم
ونقطعوه
من بعد نقليوهم في زيت غزير ويكون سخون ونخليوهم حتى يتحمرو ونوضعوهم مباشرة في العسل ومنين يتشربو العسل نخليوهم في شبكة يستقطرو
وهاهما واجدين بالصحة والراحة
ليست هناك تعليقات:
إرسال تعليق