مرحبا بكم
موقع ام مروان يقدم لكم شباكية هشيشة لرمضان بالصور
طريقة تحضير شباكية هشيشة لرمضان بالصور
مقادير شباكية
500غ دقيق
نصف كأس زبدة دايبة
نصف كأس زيت المائدة مخلطة مع زيت العود
نصف كأس حليب
ربع كأس ماء الزهر
2 معالق كبار خل
120 زنجلان محمر و مطحون
80 لوز محمر بالقشرة و مطحون
معلقة كبيرة نافع مطحون
معلقة صغيرة قرفة
معلقة صغيرة خميرة الحلوى
معلقة صغيرة سكر
شوية خميرة معجونة
شوية زعفران حر
قبصة ملح
ماء تقريبا نصف كأس
طريقة تحضير شباكية
خلطت المواد الجافة مع بعضها دوبت الخميرة في الحليب مع السكر و الزعفران
ثم ضفت المواد السائلة و عجنت الكل مع اضافة الماء تدلك مزيان
قسمت العجين الى اجزاء و خليتهم يرتاحو
تنطلق العجينة على شكل مستطيل
تنطويها على 3 وتنعاود نطلقها على حسب السمك لي بغيت و تنقطعها مربعات كل مربع فيه 4 الشرطات
بهاد الطريقة ديال الطي تتجينا الشباكية مورقة و ما تنضيعوش العجينة بزاف في التقطاع
كل أخت عندها طريقتها في التشباك أنا هاد الطريقة تتجيني ساهلة و سريعة
تناخذ شريط الفوق و شريط لتحت بالاصبع تنضغط على الرؤوس للقدام حتى يلصقو مع بعضهم
تنقلب الشريط الثاني على الاول
ثم تنقلب فوقهم الشريط الثالث و تنوضعها على الطاولة تيكون واحد الشريط من الفوق
تنجروه الى الجانب لفي الوراء
و تنجمع الجوانب بالاصابيع حتى كملت من التشباك قليتها و عسلتها و رشيت عليها شوية الزنجلان محمر
تتجي هشيشة و بنينة
ليست هناك تعليقات:
إرسال تعليق