مرحبا بكم
موقع ام مروان يقدم لكم مقروط فالفرن كيشهي بالصور
طريقة تحضير مقروط فالفرن
مقادير مقروط فالفرن
زلافة سميدة غليظة
زلافة سميدة رقيقة
زلافة طحين
زلافة زبدة مدوبة
طريقة تحضير مقروط فالفرن
نخلط السميدة الرقيقة و الغليظة
نزيد الطحين مغربل + قبيصة الملح+ملعقة صغيرة سنيدة
نزيد الزبدة مدوبة
نخلط مزيان حتى يتبسس الخليط
نغطيه ببلاستيك غذائي و نخليه ليلة كاملة يرتاح
فالغد نزيد عليه نص بكية خميرة الحلوى
و نزيد زلافة الماء+ماء الزهر
و نخلط
كنحصل على عجينة مرخوفة بزاف
نغطيها و نخليها تشرب على الأقل نصف ساعة
نحربل جزء من الخليط على هاد الشكل
نعمل فيه حفرة بهاد الشكل
نعمرها بعجين التمر اللي كنت وجدتو من قبل و زدت عليه شوية جنجلان محمر و القرفة و قبيصة القرنفل و ملعقة الزبدة و ملعقة الماء الزهر
نجمع الأطراف بهاد الطريقة
نعاود نحربل العصية
نقطعها لأجزاء مائلة و متساوية
ننقشها بالنقاش أو نرشمها بأي مرشم متوفر عندي باش نعطيها شكل زوين
نستفهم فلاطة و ندخلهم للفرن يكون سخون من قبل و نخليهم حتى يتحرو مزيان
هذا شكلهم ملي خرجتهم من الفرن
نكون موجدة العسل + ماء الزهر و أول ما نخرج المقروط من الفران نعسلو
و هذا الشكل النهائي
نتمنى تجربوه لأنه فعلا لذيذ و أنا متأكدة غيعجبكم كيفما كيحمقني
ليست هناك تعليقات:
إرسال تعليق