مرحبا بكم
موقع ام مروان يقدم لكم طورطة بالحامض
طريقة تحضير طورطة بالحامض بالصور
طورطة بالحامض
مقادير و طريقة تحضير طورطة بالحامض
من الاخت ام دعاء جزاها الله عنا كل خير
مقادير الجينواز
مقادير الجنواز غادي نحتاجو 3 بيضات+ معلقة كبيرة عصير الحامض+ كاس سنيدة كاس لفورص+ قبيصة الملح وقشور حامضة محكوكة
طريقة تحضير الجينواز
نفصل بياض البيض على الاصفرنطربوه مع نصف كاس سنيدة حتى يولي بحال الثلج
نطربو اصفر البيض مع باقي المقادير نضيف في الاخير الدقيق شوية بشوية
ثم نضيف في الاخير ابيض البيض نحرك بمعلقة خشبية من الاسفل للاعلى
حتى يتخلط الكل
نوضعو الخليط فطاوة مغلفة بورق المطبخ ندخلوها للفرن
هذا شكل الجنواز مين وجد
لتحضير كريمة الحامض
غادين نحتاجو عصير 2 حامضات نصف كاس سكر الصقيل ربع كاس الماء معلقة كبيرة زبدة معلقة صغيرة فورص او مايزينا اصفر بيضة
نوضعو الكل فكاسرول ونحركوه مزيان
عاد نوضعو لكاسرول فوق نار مهيلة مع التحراك حتى يعقاد الخليط
نقسم الجنواز على 2
نسقي النصف الاول بالسيرو (نص كاس الماء نص كاس سنيدة عصير نص حامضة نوضعوهم فوق النار حتى يغليو )
نطربو لكريم فريش نضيف ليها معلقة كبيرة من كريمة الحامض معلقة صغيرة روح الحامض نخلط الكل
نوضعو الكريمة فوق الجنواز
ثم نوضعو الطبقة 2 الجنواز نفس الطريقة نسقيها
و نغطي الجنواز بالكامل بالكريمة ندخلوها للمجمد ربع ساعة
ثم نقطعها لطارطات صغارنزينهم من الجوانب بوريدات الكريم فريش نوضعو كريمة الحامض فجيب حلواني ونعمرو وسط لاطارط
نزينهم من فوق بالشكلاط محكوك
ليست هناك تعليقات:
إرسال تعليق