مرحبا بكم
موقع ام مرةانت يقدم لكم طاجين بالحوت والبطاطا سهل سريع وأكيد لذيذ
طاجين بالحوت والبطاطا
من الاخت ام اسامة و ايمان جزاها الله عنا كل خير
وصفتي اليوم ساهلة وبسيطة وممكن إعتمادها من ضمن الوصفات اليومية
إن شاء الله تعجبكم وتعجب عائلتكم
مقادير طاجين بالحوت والبطاطا
1 فلفلة حمرا + 1 فلفلة خضرا + 1 حبة طماطم + 6 ضريسات ثوم + ربيطة من القزبور + بطاطا مقطعة دوائر حسب الرغبة
+ م ص تحميرة + نصف م ص كامون + ملح حسب الذوق + شوية زعتر + زيت تقريبا ربع كاس أو عينك ميزانك
وأكيد الحوت مغاديش نكتب نوع محدد لأن هاد الطجين كيجي تقريبا بجميع أنواع الحوت الأبيض وبعض أنواع الحوت الأزرق مثلا الشرال أو الشطون أو السردين المهم كيبقى المجال مفتوح أمام إختياركم والمتوفر عندكم
طريقة تحضير طاجين بالحوت والبطاطا
كندبل الفلفلة فالزيت ثم نضيف القزبور والثوم نخليهم شوية عادي نضيف التوابل نخلط كولشي ونضيف حبة طماطم مقطعة مكعبات صغيرة
نخليها تقريبا 5 دقايق مع التحريك من حين لآخر ثم نضيف البطاطا
ونضيف الحوت وضروري جدا الحوت نكون ملحتو
نضيف الماء الكافي ونخلي الطاجين يطيب
ليست هناك تعليقات:
إرسال تعليق