انواع البيتزا

ميني كومير بالحليب رطب بالصور

مرحبا بكم
موقع ام مروان يقدم لكم ميني كومير بالحليب 
مقادير و طريقة تحضير ميني كومير بالحليب 

من الاخت ام اسامة و ايمان جزاها الله عنا كل خير
يومكم سعيد بحول الله اتمناكم بصحة وعافية 
وصفتي اليوم خبيزات بالحليب كيجيو مزونين بزاف وخفافين إن شاء الله تجربوهم ويعجبوكم ويعجبو وليداتكم 
نتوكل على الله 
مقادير ميني كومير بالحليب
 500 غ دقيق الفورص لي كنعجبنو بيه الخبز ماشي د الحلويات + 200 غ حليب دافئ + 60 غ سكر + 2 بيضات + 50 
غ زبدة لينة انا سخنتها شوية فالمكرووند حيت كانت باردة + 25 غ خميرة فورية + 5 غ ملح 
طريقة تحضير ميني كومير بالحليب
 نخلط النواشف ثم نضيف البيض والزبدة ووشوية د الحليب ونخلط مزيان ونبدا نجمع العجينة وانا كنضيف حتى نسالي الكمية كلها

العجينة فالأول كتكون كتلصق نرش الطابلة بشوية د الدقيق ونبدا نجمع العجين ونعجنو وحد 10 دقايق حتى نحصل على عجين ليين 
نعمل منو كورة ونزلو في إناء مغطي ونخليه يخمر ساعة أو ملي نشوفو نتضاعف 
بعد ما دازت ساعة وتضاعف الحجم كيف كتشوفو في الصورة رقم 2 هزيت العجين وخويتو من الهوا ورجعت شكلت منو كرة مرة اخرى ورجعتو للإناء وغطيتو يخمر مرة أخرى تقريبا ساعة

غادي تلاحضو أنه فالمرة التانية كيتضاعف الحجم أكثر من المرة الأول
قسمت العجين على 12 قطعة كل قطعة فيها 75 غ تقريبا عملت منهم كريصات 
وباش نسهل العمل نزلت كل 4 قطع مع بعضهم كيف كتشوفو فالصورة باش ملي نجي نطلق العجين نطلق 4 في مرة وحدة 

كنلوي كل قطعة على نفسها باش نحصل على رولي غطيتهم وخليتهم يرتاحو 10 دقايق
بعد ما دازت 10 دقايق كنعاود نرتب ونشكل الخبيزات بالضغط خفيف على الجوانب باش نحصل على هاد الشكل 
خليتهم مغطيين 30 دقيقة أخرى والفرن فهاد الووقت كيسخن على 200 درجة وعندي شوية د الما كيغلي 

بعد 30 دقيقة دهنتهم بالبيض وجرحتهم 3 جرحات بموس ماضي مزيان
نزلت مقلة بالماء غليان في الفرن باش نحصل على بخار لي غادي يساعد ان الخبز تنفخ اكثر 

ودخلت الخبيزات يطيبو ملي تحمرو نقصت من درجة الحرارة ل 180 وخليتهم يكملو طياب

ليست هناك تعليقات:

إرسال تعليق

موقع ام مروان Designed by Templateism.com Copyright © 2014

صور المظاهر بواسطة linearcurves. يتم التشغيل بواسطة Blogger.