مرحبا بكم
موقع ام مروان يقدم لكم بيتزا بالطون
طريقة تحضير بيتزا بالطون بالصور
مقادير و طريقة تحضر عجين البيتزا
م ص خميرة + م ص سكر ندوبوهوم فشوية مادافي / كاس دقيق مغربل + شوية الملح + م ص نيدو + 2 كيسان صغار مادافي. نخلطو الحميع كيعطينا عجين جاري شوية بحال ديال الغرير نخلوه يخمر 10 دقائق.
من بعد كنضيفو نص كاس صغير زيت الزيتون و الدقيق لي يجمع لينا العجبنة تكون رطبة بحال ديال المسمن. نخلوها تخمر 10 دقائق او اكثر. من بعد ندهنو الطاوة بالزبدة
و نطلقو فيها العجين تم نتكوه بالفورشيط مزيان باش ما يتنفخش
فكوكوط صغيرة عملت 2 مطيشات متوسطين + نصف فلفلة حلوة + بصلة صغيرة مقطعين و عملت معاهوم 2 ضريسات توم و شوية المعدنوس + نص كاس ماء + ملح + ابزار + تحميرة و شوية الزيت العادية و شوية الزيت البلدية. و ضعت كلشي على نار متوسطة لمدة 10 دقائق تريبا. طحنت هادشي فالطحانة دالخضرة و رجعتو طاب شوية و ها الصلصة ديالي واجدة
ضفت بواطة الطون + شوية موزاريلا و شوية الزيتون
و دخلت البيتزا طيب
فاش طابت ضفت شوية فرماج حمر محكوك من الفوق خلتها شوية فالفرن و خرجتها
بالصحة و الراحة
ليست هناك تعليقات:
إرسال تعليق