طورطة منعشة بمذاق الليمون والحامض بمقادير مختلفة وبسيطة

مرحبا بكم 

موقع أم مروان لكل ما يهم المرأة العربية يقدم لكم

 طورطة منعشة بمذاق الليمون والحامض بمقادير مختلفة وبسيطة  

هذه الطورطة فكرتها بسيطة وكتجي لذيدة لذيدة ومنعشة ياسلآآام  نتمنى تعجبكم

كتجي غزالة أنيقاتي فحال الى ديرة حشوة اللوز

مقاديرطورطة منعشة بمذاق الليمون والحامض بمقادير مختلفة وبسيطة
 
 3 بيضات
كاس لروب زيت (لكاس راه فحال ديال العنبة )
كاس عصير ليمون وعصير حامضة خلطتهم في هداك كاس يعني كاس ونصف
2 كيسان دقيق +1 سميدة
2 خمارات +1فاني
لغريبة بنكهة لوز المر (le amaritte)
للسيرو نصف كاس سكر +2معالق عصير حامض +كاس ماء
للتزيين الموجود عندنا في الدار

كنخلط البيض والسنيدة والزيت والسكر
 
 كنزيد الدقيق
 
 تم السميدة
 
 وفي الآخير الخميرة
 
 كنرغو الخليط في المول
 
 كناخد زلافة نديرو فيها غريبة اللوز ونخوي عليه عصير ليمون باش ترطاب شوية ونبدا نستف فيهم فوق الطورطة
 
 وتدخل الفرن كطيب فنس الوقت ديال أي كيكة كطيبو خوتاتي حيت كل وحدة وفرانها

كندير سيرو يطيب نصف كاس سكر مع كاس لماء وقشرة نصف حامضة بلي كيغلى كنطفي عليه ونزيد و2 معالق عصير الحامض ولبقى لنا من عصير لرطبنا فيه غريبة حتى حاجة ماتضيع هههه
 
 كيفما كنخرجوها كنسقيوها ونخليوها تتشرب مزيان
 
 وتتزين وتتقدم على حسب ذوقك والموجود عندك
كتجي غزالة غزالة وهديك غريبة كتتعلك وكترطاب فحال الى ديرة حشوة اللوز

 
نتمنى تعجبكم وبالصحة والعافية