انواع البيتزا

المقروط بالتمر شكلين مختلفين ورائعين بالصور

مرحبا بكم
موقع ام مروان يقدم لكم المقروط بالتمر
طريقة تحضير المقروط بالتمر
مقادير المقروط بالتمر
3 زلايف سميد رقيق
3/4 زلافة زبدة دايبة+زيت
قبصة ملح
عقدة التمر
شوي لوز محمر ومهرمش
عسل
ماء+ماء الزهر
طريقة تحضير المقروط بالتمر
كتعملي السميدة مع الملح في اناء وكنضيفولو الزبدة والزيت وكنبسوه يعني نخلطوهم ونوضعوهم في شي بواطة ونغطيو وندخلوهم الثلاجة ليلة كاملة

في الغد كنخلطو التمر مع اللوز ونديروه على شكل قضبان رقيقة

كناخدو سميد وكنجمعوه بالماء+ماء زهر حتى نحصلو على عجينة متماسكة (مندلكوهاش منين نكونو نجمعوها كندورو يدينا في السميدة وحنا كنضيفو الماء وماء الزهر غير بشوي)

كنشكلوها على شكل قضيب
كنحلوه في الوسط

ونعملو قضيب التمر ونوليو نغطيوه ونعطيوه شكل قضيب مرة أخرى ونبسطوه شوي

كنوضعو طابع خاص ونقطعوه معينات ونخليوهم حتى نكملو كلشي


وهنا درت شكل اخر،كنورقو العجينة دالنا بين 2 بلاستيك 
ونفس الشئ كنديرو للتمر

من بعد نوضعو التمر فوق العجينة ونلويوهم
ونقطعوه

من بعد نقليوهم في زيت غزير ويكون سخون ونخليوهم حتى يتحمرو ونوضعوهم مباشرة في العسل ومنين يتشربو العسل نخليوهم في شبكة يستقطرو 

هاهو المقروط بالتمر واجد

هناك تعليق واحد:

موقع ام مروان Designed by Templateism.com Copyright © 2014

صور المظاهر بواسطة linearcurves. يتم التشغيل بواسطة Blogger.