مرحبا بكم
موقع ام مروان يقدم لكم رغيفات بالدجاج
طريقة تحضير رغيفات بالدجاج
مقادير الرغيفات بالدجاج
مقادير رغيفات : زلافة د الدقيق عادي + زلافة د الفينو+ شوية خميرة الحلويات + ملح + رشة سكر + ماء لي يجمع العجين
نعجنهم بحال الرغيفات عاديين نقطعهم ونخليهم يرتاحو مغطيين ببلاستيك
مقادير الحشوة : دجاج مفرتت كان باقي عندي + 2 بصلات + زيت بلدية + زعفران + إبزار + سكنجبير + خرقوم + قرفة + ملح + شوية كامون
طريقة تحضير رغيفات بالدجاج
بحال إلا غادي نطيب الدجاج شحرت شوية البصلة وسديت عليها تطيب مع شوية د الما غير شوية ومنين طابت خليتها تختر على خاطرها وزدتها للدجاج
ملاحضة : إدا كنتي غادي تطيب الدجاج مخصوص عمل معاه البصلة زايدة بلا ما تطيبيها وحدها أنا كان الدجاج لي عندي ناشف على داك الشي زدت البصلة
نسرحو الكرة الاولى من العجين ونديرو الحشوة فالوسط ونطويو بحال المسمنحتى نساليو الكل عاد نسخنو المقلة ونطيبوهم
هاهما الرغيفات بالدجاج واجدين
ليست هناك تعليقات:
إرسال تعليق