ميني كيك بالشكلاط و البراليني شكل لا يقاوم بالصور

مرحبا بكم
موقع ام مروان يقدم لكم ميني كيك بالشكلاط و البراليني شكل لا يقاوم بالصور
طريقة تحضير ميني كيك بالشكلاط والبراليني

ميني كيك بالشكلاط و البراليني للاخت سارة ام ملاك

مقادير وطريقة تحضير ميني كيك بالشكلاط و البراليني
مقادير البراليني

250 غ لوز

130 غ سنيدة

2 م ك ماء

' انا درت نصف هنا '

اول حاجة تنفزك السكر بالما وندير فوق العافية، غير يدوب ويبدا يغلا نزيد عليه اللوز 


ونبقا نحرك بلا منحبس ، و انا تنحرك هاداك السكر غادي يتحجر ويقصاح ، نستمر فالتحراك حتا تيعاود دا السكر يدوب وتيولي كراميل وتيتلبس اللوز بهاداك الكراميل 

فهاد اللحظة غادي نخوي اللوز ديالي فوق ورق سلفريزي او الالمنيوم لي تنكون داهناه قبل بشوية ت الزيت، تنحاولو نسرحو مزيان ونخليه تيبرد

ملي يبرد تنهرسو شوية بيدي ونبدا نطحن فيه، هنا خاص يكون الروبو عندكم شوية صحيح حيت العملية تقدر توصل تل 15 د، ادن تنبقا نطحن فيه تتيولي كريم وتيطلق كاع الزيت لي فيه، انا ملي تيبدا يولي عجين تنكمل الطحين فديك الماكينة الصغيرة تتردولي ملس مزيان ، صافي تنحتافظ فيه ف قرعة فالتلاجة تنحتاجو

ندوزو دابا للكيك ديالنا

2 بيضات

50 غ سكر

50 غ دقيق

م ص ممسوحة ديال الخميرة د الحلوى

40 غ زبدة

80 غ شكلاط

3 م ك براليني

الطريقة

ندوب الزبدة مع الشكلاط البراليني

نطرب البيض و السكر، نزيد الدقيق مغربل مع الخمارة تم خليط الشكلاط

نخوي الخليط ديالي فلي مول ونطيبهم من 15 الى 20 د

ملي يطيبو نخليهم تيبردو تماما عاد نزولوهم من المول

بالنسبة للتزيين تنخوي فلي مول شوية ت الشكلاط دائب اسود او ابيض وندير فوق منهم الكيك ، نخليهم تيبردو ونزولهم من المول

هاهو ميني كيك بالشكلاط والبراليني