مرحبا بكم
موقع ام مروان يقدم لكم ميني كيك بالشكلاط والبراليني
طريقة تحضير ميني كيك بالشكلاط والبراليني
مقادير مين كيك بالشكلاط والبراليني
للامانة هادي وصفة الغالية ام هداية الله يجازيها بالخير
مقادير وطريقة البراليني
250 غ لوز
130 غ سنيدة
2 م ك ماء
' انا درت النصف هنا '
اول حاجة تنفزك السكر بالما ونديرو فوق العافية، غير يدوب ويبدا يغلا نزيد عليه اللوز ونبقا نحرك بلا منحبس ، و انا تنحرك هاداك السكر غادي يتحجر ويقصاح
نستمر فالتحراك حتا تتيعاود داك السكر يدوب وتيولي كراميل وتيتلبس اللوز بهاداك الكراميل فهاد اللحظة غادي نخوي اللوز ديالي فوق ورق سلفريزي او الومنيوم لي لي تندهنو من قبل بشوية ت الزيت، تنحاولو نسرحو مزيان ونخليه تيبرد
ملي يبرد تنهرسو شوية بيدي ونبدا نطحن فيه، هنا خاص يكون الروبو عندكم شوية صحيح حيت العملية تقدر توصل تل 15 د، ادن تنبقا نطحن فيه تتيولي كريم وتيطلق كاع الزيت لي فيه، انا ملي تيبدا يولي عجين تنكمل الطحين فديك الماكينة الصغيرة تتردولي ملس مزيان ، صافي تنحتافظ فيه ف قرعة فالتلاجة تنحتاجو
ندوزو دابا للكيك ديالنا
2 بيضات
50 غ سكر
50 غ دقيق
م ص ممسوحة ديال الخميرة د الحلوى
40 غ زبدة
80 غ شكلاط
3 م ك براليني
الطريقة
ندوب الزبدة مع الشكلاط والبراليني
نطرب البيض و السكر
نزيد الدقيق مغربل مع الخمارة تم خليط الشكلاط
نخوي الخليط ديالي فلي مول ونطيبهم من 15 الى 20 د
ملي يطيبو نخليهم تيبردو تماما عاد نزولوهم من المول
بالنسبة للتزيين تنخوي فلي مول شوية ت الشكلاط دائب اسود او ابيض وندير فوق منهم الكيك ، نخليهم تيبردو ونزولهم من المول
نتمنا يعجبوكم، بالصحة و الراحة
هاهو ميني كيك بالشكلاط والبراليني
ليست هناك تعليقات:
إرسال تعليق