انواع البيتزا

كيك الفواكه الجافة مغذي ومعلك بالصور

مرحبا بكم
موقع ام مروان يقدم لكم كيك الفواكه الجافة مغذي ومعلك بالصور
طريقة تحضير كيك الفواكه الجافة مغذي ومعلك بالصور

كيك اليوم هو كيك رائع لأنه يجمع بين عدة مكونات كلها لها فائدة كبيرة على الجسم 
خصوصا لفطور الأولاد قبل التوجه للمدرسة للأمهات لي كيعانيو من هاد القضية بحالي 
إدا كلاو غير طريف مع كاس الحليب كنقول عملت إنجاز 
إن شاء لله تجربوها ويستافدو وليداتكم من المنافع ديالها 
هاد الكيك للاخت ام اسامة وايمان
مقادير كيك الفواكه الجافة 
 6 حبات بيض + كاس عنبة زيت + كاس عنبة سكر إلي يحب الحلاوة يضيف نص كاس + نفس الكاس زبيب + نفس الكاس تمر + نفس الكاس لوز + خميرة الحلوى وزن 20 غ+ كاس د الماء + كاس د الكركاع +دقيق حسب الخليط أنا عملت الزلافة لي كتشوفو + 2 م ك كاكاو 
طريقة تحضير كيك الفواكه الجافة 
1- ضربت البيض + السكر + الزيت 
2- طحنت التمر + اللوز + الزبيب مع كاس د الما وممكن تضيفو شوية د الما عند الحاجة 
ضفت 2 م ك كاكاو على الخليط لي حصلت عليه

بعد ما طربت البيض والسكر والزيت ضفت خليط الفواكه مع الكاكاو وبديت نضيف الدقيق والخميرة شوية بشوية حتى حصلت على خليط متجانس ميكون لا خفيف بزاف ولا تقيل بزاف المهم أثقل بشوية من العادي

دهنت المول بالزيت ورشيتو بالدقيق 
خويت نصف خليط الكيك ورشيت كمية من الكركاع مهرمش لي خلطتو بشوية د الدقيق وضفت باقي الخليط ورشيت باقي الكركاع على الوجه ودخلتها للفران حتى طابت

هاهي بعد ما خرجت من الفران ممكن تقدموها هكا أو ممكن تزين بالشكلاط أنا اكتفيت برشيشة سكر كلاصي

شكلها من داخل كتجي معلكة وغزالة

هاهي كيكة الفواكه الجافة

ليست هناك تعليقات:

إرسال تعليق

موقع ام مروان Designed by Templateism.com Copyright © 2014

صور المظاهر بواسطة linearcurves. يتم التشغيل بواسطة Blogger.