مرحبا بكم
موقع ام مروان يقدم لكم السردين فالطاجين بالزبيب والبصلة
طريقة تحضير السردين فالطاجين بالزبيب والبصلة
موقع ام مروان يقدم لكم السردين فالطاجين بالزبيب والبصلة
طريقة تحضير السردين فالطاجين بالزبيب والبصلة
مقادير السردين بالطاجين بالزبيب والبصلة
كيلو سردين منقي ومنظف جيدا ومطحون على شكل كفتة
بصل دوائر انا هنا عملت 5 البصلات ولكن صغار باش يجيو زوينين في المنظر هههه
التوابل: القرفة - سكنجبير - بزار - خرقوم بلدي - الملح واخا ماكيناش في الصورة
الزعفران شعرة اختياري ولكن الى كان يكون احسن كيلدد الطاجين
عصير الحامض
2 فصوص ثوم صغار محكوكين
القزبر والمعدنوس مقطعين
زبيب مغسول جيدا
زيت الزيتون
زيت المائدة وشوية السنيدة حتى هما ماصورتهمش هههه
طريقة تحضير السردين فالطاجين بالزبيب والبصلة
في طاجين على نار مهيلة نعمل زيت الزيتون وزيت المائدة والبصل والتوابل والزعفران شعرة نسد عليها ونخليها حتى تدبال
في هذه الاثناء نعمل التوابل نفسها اللي عملت للطاجين عدا الزعفران شعرة يكفي يكون غير مع البصل ثم الربيع والثوم وقليل جدا من زيت الزيتون وقطرات قليلة من عصير الحامض نخلط الكل
ثم نعملها على شكل كويرات وتترك على جنب
في هذه الاثناء تكون نزلات البصلة نحركها ونضيف ليها الزبيب مع شوية السنيدة
ونسد عليها حتى تقرب الطيب عاد نضيف عليها كويرات الكفتة
ونخليه يطيب على عافية مهييييييييييلة جدااااااااااااااا ضروري هاد المسألة
ملي يقرب يطيب نضيف ليه عصير الحامض بلاما تكثريه باش مايطغاش
ونقلب الكويرات الى الجهة الاخرى باش تاخد اللون حتى هي بدون التحريك باش مايخصرش لينا الشكل ديال الطاجين نقلبو بالوحدة بالوحدة
هاهو السردين فالطاجين بالزبيب والبصلة
ليست هناك تعليقات:
إرسال تعليق