انواع البيتزا

سلطة بشكل رائع للضيوف بالصور

مرحبا بكم
موقع ام مروان يقدم لكم سلطة بشكل رائع للضيوف
طريقة تحضير سلطة للضيوف
 مقادير سلطة للضيوف
المقادير بسيطة مافيها حتى شي تكلف واللي هي البطاطا الروز الباربا الجلبانة خيزو الدرة والطون وكل الخضر يتسلقو مع مليحة كل واحد بوحدو ويتصفاو ويبردو طبعا ونزيد لهم الطون والبطاطا والروز نزيدلهم المايونيز والكمية عينك ميزانك على حسب المول لي عندك وعلى فكرة غادي نستعملو المول لي كيتحل 
طريقة تحضير سلطة للضيوف
نسلقو البطاطا نخليو شوية للطبقات ولي بقا نرفسوه مزيان مع شوية الزيت زيتون ولا زيت الطون

ندهنو المول بالزيت الطون ولا العادي ونلصقو عليه البطاطا من كل الجوانب

نبداو نحطو الطبقات والترتيب ماشي مهم
الجلبانة

البطاطا

خيزو

الروز

الباربا مخلطا مع الدرة والطون

الطبقة الاخيرة هي البطاطا المرفوسة باش نسد على الطبقات
نضغطو عليها شوية ونغطيوها بالالمنيوم وندخلوها للمجمد تشد راسها غير شوية ونخرجوها باش تجينا ساهلة فالتزيين
وها هي منين نزولوها من المول بعدما بردات

دابا ندوزو للتزيين
كنطليوها كلها بالمايونيز وباش نحصلو على داك اللون كنزيدو الكيتشوب او الطماطم ديال العلبة كتكون حلوة مع المايونيز حتى تحصلي على اللون لي بغيتي ودهني الوجه وتعملي دوائر بالمايونيز عادي زواقة ديال الميل فاي خلاص كلشي عارفها

هاهي سلطة للضيوف واجدة

هناك تعليقان (2):

  1. تسلم ايدك سلطات كثير حلويين الله يعطيكي الصحة

    ردحذف
  2. تسلم ايدك سلطات كثير حلوة الله يعطيكي الصحة بس ممكن طريقة السلطات الراقية

    ردحذف

موقع ام مروان Designed by Templateism.com Copyright © 2014

صور المظاهر بواسطة linearcurves. يتم التشغيل بواسطة Blogger.