انواع البيتزا

فقاص ناجح ومضمون بالخطوات المصورة

 مرحبا بكم
موقع ام مروان يقدم لكم فقاص ناجح ومضمون بالخطوات المصورة
طريقة تحضير فقاص ناجح ومضمون
مقادير فقاص 
 3 بيضـات
كاس سنيدة
كاس زيــت
نص كـاس الحليـب
شوية زنجلان+نافع+زبيب مقطع
لوز يكون مرطب ليلة من قبل ومقسوم على 2(هدا سر اول باش مايتهرسش الفقاص في تقطاع)
خمـــارة
دقيــق حسب الخليط
طريقة تحضير فقاص
 تنخلطوو جميع المقاديـــر
 ونضيفو دقيق في الاخيـــر مع الخمارة والعجين تكون رطبة 

فاش نبغيو نخدمو الحرابل ندهنو يدينا بالزيت باش ماتلصقش و تكون ساهلة في الخدمة ونكرصوهم غيــر شوية باش ماتشققش لينا الحرابل
ندهنوهم بصفار بيضة مخلط مع نقيطات الخل و نيسكافي ونزوقوهم بخطوط بالفورشيط


وندخلهم الفران يكون مسخن من قبل ،حتا يتحمر من التحت ونشعلو عليه الفوق باش يتحمر،تكون العافية مهيــلة باش يطيب من الداخل
فاش نخرجوه نغطيوه بزيـف يكون فازك ونخليوه ؛(انا درتو في الصباح وخليتوو حتا الليل عاد قطعتو)
السرالتانــي و هو المهم باش مايتهرش ليكم الفقاص هو تقطعوه بموس يكون رقيق و ماضــــي
انا حتا فرتيــتة ماكانت في تقطاع كلو جا مقاد وماتهرش ليا

نقطعوه وندخلو لفران مسخن من قبل باش يتحمــر
كيجي رطب و في نفس الوقت مقرمش وبنيـــــــن

شوفوووو كيف جا كيحمق في المداق وحتا المنضر
هاهو الفقاص واجد
f99as

ليست هناك تعليقات:

إرسال تعليق

موقع ام مروان Designed by Templateism.com Copyright © 2014

صور المظاهر بواسطة linearcurves. يتم التشغيل بواسطة Blogger.