شكلين من الصابلي جد رائعين بالصور

مرحبا بكم

موقع ام مروان يقدم لكم شكلين من الصابلي 

طريقة تحضير شكلين من الصابلي 

مقادير شكلين من الصابلي
125 زبدة لينة
2 فرماجات
نصف كأس العنبة زيت
كأس صغير سكر كلاصي
معلقة صغيرة خميرة الحلوى
360 دقيق
بيضة
فاني و قبصة ملح
لتزيين
كاكاو
ملون أحمر
مربى
كراميل
كوك
طريقة تحضير شكلين من الصابلي
خدمت الزبدة وسكر كلاصي على شكل كريمة ضفت لهم الفرماج ثم الزيت و البيضة

و جمعت الخليط بالدقيق معه الخميرة و الفاني و الملح حتى حصلت على عجينة لينة

قسمت العجين على 2 باش نعمل 2 أشكال النصف ضفت له قشرة البرتقال محكوكة
طلقت العجين بالمدلك قطعت بالمرشم شكل لفي الصورة ثم قطعت الوسط بطابع صغير على شكل وردة
 

 خذيت شوية من العجين ضفت له الكاكاو طلقت العجين بالمدلك
و قطعت بنفس الطابع تندهن العجين بأبيض البيض و تنلصقهم على دائرة العجين الأبيض

نصفهم بقى كما هو والنصف فيه ثقب و مزين بعجينة الكاكاو و تندخلهم الفران يطيبو
بعد ما طابت الحلوة تنلصق كل 2 بمربى الفريز مضاف له القليل من السكر يتوضع على نار مهيلة حتى يدوب السكر

تنعمل المربى في الوسط أكثر باش يبان من الثقب
طلقت العجين بالمدلك و قطعت بقطاعة الفرماجة خذيت شوية من العجين ضفت له ملون فانيدي

طلقتو بالمدلك وقطعت أشكال صغيرة بالطابع دهنتهم بأبيض البيض و لصقتهم في وسط الفرماجة
قطعت بطابع أصغر من الاول العجين الأبيض تدهن بأبيض البيض و لصقتهم وسط اللون الفانيدي

و تنخلي نصف العجين بلا تزيين و تندخهم الفران يطيبو
بعد ما بردت الحلوة لصقت كل 2 بالكراميل و دهنت حتى الجوانب و دوزتهم في الكوك

هاهما شكلين من الصابلي واجدين